ირანის კრიზისი არა მხოლოდ ნავთობის ვაჭრობაზე მოქმედებს, არამედ სოფლის მეურნეობაზეც, – წერს გერმანული გამოცემა, Berliner Zeitung, რომელიც აღნიშნავს, რომ ჰორმუზის სრუტეში არსებული გაურკვეველი სიტუაციის გამო, გლობალურ ბაზარზე მილიონობით ტონა სასუქის ნაკლებობაა. ამ ვითარებაში კი, რუსეთს სურს, რომ ჩაერთოს, უფრო კონკრეტულად, Bloomberg-ის ცნობით, მსოფლიოში სიდიდით მეორე სასუქის მწარმოებელი ქვეყანა წარმოქმნილი დეფიციტის შევსებით გამოდის.
ეს განსაკუთრებით მნიშვნელოვანია გერმანიისთვის: სულ რამდენიმე თვის წინ, როგორც Berliner Zeitung იტყობინება, ფედერაციულმა რესპუბლიკამ დიდი რაოდენობით რუსული სასუქი შემოიტანა. თუმცა, 2025 წლის ივლისიდან, რუსეთიდან სასუქების იმპორტზე ევროკავშირის ტარიფები მოქმედებს – ნაწილობრივ იმისთვის, რომ თავიდან იქნას აცილებული მოსკოვის მიერ უკრაინის წინააღმდეგ აგრესიის ომის ირიბი დაფინანსება. “თუმცა, გასულ შემოდგომაზე ევროკავშირმა განაცხადა, რომ ტარიფები შეიძლება გადაიდოს, თუ ფასები ძალიან მკვეთრად გაიზრდება. ეს დელიკატურ კითხვას ბადებს: შეუძლია თუ არა გერმანიას, ირანის კრიზისის გათვალისწინებით, კვლავ დაუბრუნდეს იაფ რუსულ სასუქს?” – წერს გამოცემა.
