აშშ-ის ყოფილი ვიცე-პრეზიდენტის, კამალა ჰარისის ახალმა მემუარებმა დემოკრატიულ პარტიაში სერიოზული განხეთქილება გამოიწვია.
წიგნში, სახელწოდებით „107 დღე“, ჰარისი მოქმედ პრეზიდენტს, ჯო ბაიდენს აკრიტიკებს და დონალდ ტრამპთან თავის სასიამოვნო საუბრებს იხსენებს.
როგორც გამოცემა Washington Post-ი წერს, მემუარები უკვე გამოქვეყნდა და მას თანაპარტიელების მხრიდან კრიტიკის ქარცეცხლი დაატყდა თავს. კერძოდ, ჰარისი წიგნში ბაიდენის გადაწყვეტილებას, მეორე ვადით ეყარა კენჭი, „უგუნურობად“ აფასებს. ის ასევე აღიარებს, რომ საარჩევნო კამპანიის განმავლობაში ცდილობდა, ბალანსი დაეცვა ბაიდენისადმი ერთგულებასა და საკუთარი თავის წარმოჩენას შორის.
საზოგადოების ინტერესი განსაკუთრებით გაზარდა ტრამპთან საუბრების შესახებ მოყოლილმა ეპიზოდებმა. ჰარისი იხსენებს, რომ იმდროინდელ ყოფილ პრეზიდენტთან მინიმუმ, ორჯერ ჰქონდა სატელეფონო საუბარი და ორივე შემთხვევაში, ტრამპი მის მიმართ ძალიან თავაზიანი და კეთილგანწყობილი იყო. ერთ-ერთი საუბრისას ტრამპმა ჰარისს უთხრა, რომ მისი ქალიშვილი, ივანკა, ვიცე-პრეზიდენტის „დიდი ფანია“. ჰარისი თავის მოგონებებში ირონიულად აღნიშნავს: „მისტერ ჰაიდთან საუბრისთვის ვიყავი მზად, მაგრამ ტელეფონს დოქტორი ჯეკილი იღებდა“.
ეს სკანდალური აღიარებები, სავარაუდოდ, კიდევ უფრო დაძაბავს ურთიერთობას დემოკრატიული პარტიის ლიდერებს შორის, განსაკუთრებით კი 2024 წლის საპრეზიდენტო არჩევნების მოახლოებასთან ერთად.
