პუტინმა შეასრულა სიტყვა უკრაინასთან „ენერგეტიკული ზავის“ საკითხში, – ამის შესახებ აშშ-ის პრეზიდენტმა დონალდ ტრამპმა განაცხადა.
„პაუზა კვირიდან კვირამდე გაგრძელდა. ის დასრულდა და პუტინმა ძლიერი დარტყმა მიაყენა. პუტინმა სიტყვა შეასრულა. ერთი კვირა ბევრია. თუნდაც ასე იყოს, რადგან იქ [უკრაინაში] ახლა ძალიან ცივა“, — განუცხადა აშშ-ის პრეზიდენტმა თეთრ სახლში ჟურნალისტებს.
ტრამპმა დასძინა, რომ ესაუბრა რუსეთის პრეზიდენტს, თუმცა არ დაუკონკრეტებია როდის და არც საუბრის დეტალები გაუმჟღავნებია.
მანამდე ვოლოდიმირ ზელენსკიმ განაცხადა ერთკვირიანი „ენერგეტიკული ზავის“ დარღვევის შესახებ და ვაშინგტონს ჩარევისკენ მოუწოდა. უკრაინის პრეზიდენტის თქმით, რუსეთმა მასშტაბური დარტყმა სულ რაღაც ოთხ დღეში მიაყენა. ანალოგიური მოსაზრება გამოთქვა ნატოს გენერალურმა მდივანმა რუტემ კიევში ვიზიტისას — მან რუსეთის თავდასხმას მოლაპარაკებების წინ „ძალიან ცუდი სიგნალი“ უწოდა.
