ᲘᲜᲤᲝᲤᲝᲡᲢᲐᲚᲘᲝᲜᲘ
ᲑᲝᲚᲝ სოზარ სუბარი„დაკორექტირებულ ბიუჯეტის პროექტში კვლავ არ არის გათვალისწინებული ვეტერანების დახმარების გაზრდის საკითხი, სასურველია ამ საკითხს კიდევ ერთხელ მივუბრუნდეთ“ დღეს 36 მასალა
  • ამინდი: MET Norway
  • თბილისი2°C
  • ბათუმი7°C
  • ქუთაისი5°C
  • რუსთავი4°C
  • ზუგდიდი4°C
  • თელავი1°C
  • გორი2°C
  • ახალციხე0°C
  • ოზურგეთი7°C
  • ამბროლაური−4°C
  • მესტია−10°C
  • ფოთი9°C
  • ეროვნული ბანკის კურსი 12 ნოემბერი
  • USD2.5933−0.0003
  • EUR2.8895−0.0216
  • GBP3.4551−0.0284
  • TRY0.0516
  • 100 RUB3.1299−0.0009
  • AZN1.5257+0.0001
  • 1000 AMD7.1944−0.0005
  • 10 UAH0.5718+0.0024
ᲡᲮᲕᲐ28 ᲐᲞᲠᲘᲚᲘ13:38
არჩილ ბერიძე

განცხადება · 87 ნახვა

„რაც „ევრობიუროკრატებისთვის“ მისაღებია საკუთარ ქვეყანაში, ჩვენთან აღნიშნული პრობლემად ცხადდება. ამგვარი მიდგომა არამხოლოდ უსამართლოა, არამედ პირდაპირ ეჭვქვეშ აყენებს იმ ღირებულებებს, რომელთა საფუძველზეც თითქოსდა მოქმედებს „ევრობიუროკრატია““

ჩვენი საზოგადოება, წლებია აკვირდება პროცესს, რომელიც პირდაპირ ეხება ჩვენს სახელმწიფო სუვერენიტეტს, შიდა საქმეებში უხეშ ჩარევას და მცდელობას, ნებისმიერი გზით შეინარჩუნონ გავლენის ქსელი, რომელსაც საკუთარი საჭიროებისამებრ იყენებენ ჩვენი ქვეყნის წინააღმდეგ, – განაცხადა ფრაქცია „ქართული ოცნების“ თავმჯდომარის მოადგილემ, არჩილ ბერიძემ, პარლამენტის პლენარულ სხდომაზე.

ბერიძის განცხადებით, ერთი და იგივე ქმედება გარე ძალების მხრიდან სხვა ქვეყნებთან მიმართებაში ითვლება ნორმად, მაგრამ როდესაც საქმე ეხება საქართველოს აქ რადიკალურად იცვლება მათი დამოკიდებულება და ვლინდება ორმაგი სტანდარტი.

„თქვენი ყურადღება მინდა გავამახვილო ორმაგ სტანდარტზე, რომელიც უკვე წლებია, გარე ძალების მხრიდან თან სდევს ჩვენი სახელმწიფოს მიმართ არსებულ დამოკიდებულებას.

ერთი და იგივე ქმედება, ერთი და იგივე პროცესი, ერთი და იგივე პოლიტიკური ნაბიჯი, როცა ეს არ ეხება საქართველოს, გარე ძალების მიერ ნორმად ითვლება.

მაგრამ როდესაც საუბარია საქართველოზე, ზუსტად იდენტური საკითხი, ხდება ყოველმხრივი კრიტიკის, ზეწოლისა და ხშირ შემთხვევაში ქვეყნის შიდა საქმეებში პირდაპირი და დაუფარავი ჩარევის საფუძველი,“- განაცხადა ბერიძემ.

არჩილ ბერიძემ სხვადასხვა ქვეყნის მაგალითზე წარმოაჩინა „ევრობიუროკრატთა“ უსამართლო დამოკიდებულება საქართველოს მიმართ და კიდევ ერთხელ გაუსვა ხაზი ორმაგი სტანდარტის არსებობას.

„განსაკუთრებით თვალშისაცემია „ევრობიუროკრატიის“ დამოკიდებულება, რომელიც საკუთარ სივრცეში ერთ რეალობას ამართლებს, ხოლო საქართველოს შემთხვევაში — სრულიად სხვა კრიტერიუმებით მოქმედებს.

რაც მათთვის მისაღებია საკუთარ ქვეყანაში, ჩვენთან აღნიშნული პრობლემად ცხადდება.

ამგვარი მიდგომა არა მხოლოდ უსამართლოა, არამედ პირდაპირ ეჭვქვეშ აყენებს იმ ღირებულებებს, რომელთა საფუძველზეც თითქოსდა მოქმედებს „ევრობიუროკრატია“.

მაგალითებიც მრავლადაა: სხვა ქვეყნების კვალდაკვალ, ჩეხეთი მუშაობს უცხოური აგენტების შესახებ კანონზე; ბალტიის ქვეყნები, რომლებიც ღვინის მწარმოებლები არ არიან, რეკორდს ამყარებენ რუსეთში ღვინის ექსპორტის მაჩვენებლებით, მაშინ როდესაც საქართველოს სანქციების დაწესებისკენ მოუწოდებენ. ევროკავშირის ქვეყნების უმეტესობა, საჯაროდ გაცხადებული მკაცრი და სასანქციო პოლიტიკის მიუხედავად აქტიურად აგრძელებს, მჭიდრო ეკონომიკურ და ენერგეტიკულ ურთიერთობებს რუსეთის ფედერაციასთან. ამ ქვეყნების უმეტესობა კი საქართველოს საკუთარ ინტერესებზე უარის თქმისა და საკუთარი ხელით ეკონომიკის ჩამონგრევისკენ მოუწოდებს. განსაკუთრებით საყურადღებოა, ევროკავშირის ქვეყნების მხრიდან არაპირდაპირი გზებით რუსეთის ენერგო რესურსების მიღების აურაცხელი ფაქტები, იმის ფონზე, როდესაც სხვა ქვეყნებს ერთი ბარელის შეძენის შემთხვევაშიც კი „სისხლიანი სამხედრო მანქანის“ დაფინანსებაში ადანაშაულებენ. ასევე, ნიშანდობლივია ბრიტანეთის პრემიერის სიტყვები, ახლო აღმოსავლეთში მიმდინარე ომთან დაკავშირებით, ვციტირებ: „ეს არ არის ჩვენი ომი და ჩვენ მასში თავს არ ჩავათრევინებთ“. ჩამოთვლილის მსგავსად, კიდევ მრავალი მაგალითი აჩვენებს, რომ საერთაშორისო პოლიტიკაში, დღეს არსებული მოცემულობის გათვალისწინებით დეკლარაციებსა და რეალურ ქმედებებს შორის ხშირად მნიშვნელოვანი სხვაობაა“,- განაცხადა არჩილ ბერიძემ.

არჩილ ბერიძე სხვა განცხადებებიყველა განცხადება

  1. არჩილ ბერიძე„ბიძინა ივანიშვილისა და ფონდ „ქართუს“ მხარდაჭერით აღდგენილი ტაძრები, თეატრები და მუზეუმები, ლევილის ისტორიულ მამულზე ზრუნვა, იოანე-ზოსიმეს ხელნაწერის საქართველოში დაბრუნება ჩვენი ეროვნული მემკვიდრეობის დაცვის მნიშვნელოვანი მაგალითებია – ასე ვინარჩუნებთ ჩვენს ისტორიას და გადავცემთ მას მომავალ თაობებს“
  2. არჩილ ბერიძე„მთავრობის გადაწყვეტილება, ანაკლიის ღრმაწყლოვანი პორტი სახელმწიფოს წამყვანი როლით აშენდეს, კიდევ უფრო გააძლიერებს საქართველოს სატრანზიტო შესაძლებლობებს და შუა დერეფანში მის საკვანძო როლს“
  3. არჩილ ბერიძე„თუ ვთანხმდებით, რომ ევროკავშირი სამხედრო ალიანსი არ არის და წევრობა არ უნდა იყოს დაკავშირებული სამხედრო კონფლიქტებთან, რატომ აღმოჩნდა სწორედ ომი ის ფაქტორი, რომელმაც ე.წ „შესაძლებლობის ფანჯარა გახსნა“?“
  4. არჩილ ბერიძე„თუ ევროპული სახელმწიფოებისთვის საკუთარი საკანონმდებლო პოლიტიკის განსაზღვრა სუვერენული უფლებაა, რატომ აღმოჩნდა იგივე პრინციპი საქართველოს შემთხვევაში მიუღებელი?“