მოსკოვის ოლქში საკონცერტო დარბაზზე თავდასხმის შედეგად გარდაცვლილთა რიცხვი 152-მდე გაიზარდა. ინფორმაციას რუსული მედია საგანგებო სიტუაციების მართვის სამსახურზე დაყრდნობით ავრცელებს.
„ტერაქტის შედეგად გარდაცვლილთა რაოდენობა 152 ადამიანამდე გაიზარდა. თავდასხმის შედეგად დაშავდა 285 ადამიანი (მათ შორის 8 ბავშვი)“, – ნათქვამია განცხადებაში.
საგანგებო სიტუაციების მართვის სამსახურის მაშველები აგრძელებენ სამაშველო და სამძებრო ღონისძიებებს.
შეგახსენებთ, 22 მარტს მოსკოვში, „კროკუს სითი ჰოლის“ საკონცერტო დარბაზში შეიარაღებულმა პირებმა ცეცხლი გახსნეს. რუსეთის საგარეო საქმეთა სამინისტრომ „კროკუს სითი ჰოლზე“ თავდასხმა ტერაქტად შეაფასა. ოფიციალური ინფორმაციით, თავდასხმის ფაქტთან დაკავშირებით დაკავებულია 11 პირი.
Facebook Comments Box
