უკრაინის პრეზიდენტმა ვლადიმერ ზელენსკიმ რუსეთის წარმომადგენლებს იდიოტები უწოდა და უარყო მათი წინადადება, გარკვეულ ადგილებში ცეცხლის 2-3 დღით შეწყვეტაზე გარდაცვლილთა ცხედრების გასატანად. მან დასძინა, რომ შეხვედრაზე რუსეთის დელეგაცია თავხედურად იქცეოდა, თუმცა შედარებით მშვიდად, ვიდრე წინა შეხვედრაზე.
ზელენსკიმ მხარი დაუჭირა ერდოღანის წინადადებას რუსეთის, აშშ-ს, თურქეთისა და უკრაინის პრეზიდენტების შეხვედრის თაობაზე.
„მაგრამ მე მაქვს შთაბეჭდილება, რომ ამ შეხვედრის შედეგად ცეცხლის შეწყვეტა არ მოხდება“,-განაცხადა ზელენსკიმ.
კრემლის წარმომადგენელმა ვლადიმერ მედინსკიმ დაადასტურა, რომ მათ მართლაც შესთავაზეს ცეცხლის შეწყვეტა 3 დღით. ასევე, მან განცხადება გააკეთა ყველაზე მასშტაბურ გაცვლაზე. – ყველა მძიმედ დაჭრილი და მძიმე ავადმყოფი გაიცვლება პრინციპით „ყველა ყველაზე“. ამავე ფორმულით გაცვლიან ახალგაზრდა ჯარისკაცებს 25 წლამდე. საუბარია, ორივე მხრიდან 1000-1000 ადამიანზე.
