ᲘᲜᲤᲝᲤᲝᲡᲢᲐᲚᲘᲝᲜᲘ
ᲑᲝᲚᲝ შაკო ჩაჩანიძე„სოციალურ ქსელში ერთ-ერთმა გვერდმა თარიღის მითითების გარეშე გამოაქვეყნა ბათუმში მომხდარი ტრაგედიის ძველი ვიდეო, რათა ხალხი შეცდომაში შეეყვანათ, სინამდვილეში, ეს მშიშარა და ფარისეველი თორნიკე რაზმაძის ჯიბის გვერდია - აქ იდება ყველაფერი, რის თქმასაც პირად პროფილზე ვერ ბედავს“ დღეს 0 მასალა
  • ამინდი: MET Norway
  • თბილისი6°C
  • ბათუმი10°C
  • ქუთაისი8°C
  • რუსთავი8°C
  • ზუგდიდი8°C
  • თელავი6°C
  • გორი6°C
  • ახალციხე4°C
  • ოზურგეთი8°C
  • ამბროლაური5°C
  • მესტია−1°C
  • ფოთი10°C
  • ეროვნული ბანკის კურსი 21 ნოემბერი
  • USD2.5926−0.0007
  • EUR2.8423−0.0124
  • GBP3.3968−0.0191
  • TRY0.0513−0.0001
  • 100 RUB3.1542−0.0113
  • AZN1.5242−0.0004
  • 1000 AMD7.1871−0.0065
  • 10 UAH0.5762+0.0014
ამბავიუცხოური მედია99 ნახვა

ევროკავშირის ხელისუფლებამ არ იცის, რამდენი საწვავი დარჩა ევროპაში — Politico

ევროკავშირის ხელისუფლებამ არ იცის, რამდენი საწვავი დარჩა ევროპაში — Politico

ევროკავშირში საწვავის მარაგების ზუსტი რაოდენობა უცნობია. ამის შესახებ „პოლიტიკო“ ევროკავშირის წევრი ქვეყნების ენერგეტიკის სამინისტროების წყაროებზე დაყრდნობით იტყობინება. პრობლემა ირანში მიმდინარე ომის ფონზე წარმოიშვა, რაც მკვეთრად ზრდის ევროპის ხარჯებს წიაღისეულ საწვავზე და საფრთხეს უქმნის მიწოდებას ჰორმუზის სრუტის მეშვეობით — ეს ნავთობისა და გაზის გადაზიდვისთვის საკვანძო სატრანსპორტო დერეფანია.

ევროკომისიის პრეზიდენტმა, ურსულა ფონ დერ ლაიენმა განაცხადა, რომ ირანში ომი ევროკავშირს, ენერგომატარებლებზე ფასების ზრდის გამო, დღეში თითქმის 500 მილიონი ევრო უჯდება. DHL Group-ის გენერალური დირექტორის, ტობიას მაიერის თქმით, ევროპას მაისისა და ივნისისთვის აღებული აქვს ვალდებულებები, თუმცა უფრო გვიანი ვადებისთვის პროგნოზების გაკეთება ჯერჯერობით რთულია.

„არსებობს სტრატეგიული რეზერვები, მაგრამ ჩვენ არ გვაქვს ნათელი წარმოდგენა იმის შესახებ, თუ მათი რა ნაწილია უკვე გამოყენებული“, — ციტირებს Politico მის სიტყვებს.

გამოცემა წერს, რომ სიტუაცია ყველაზე გაურკვეველია დიზელისა და საავიაციო საწვავის მიმართულებით. ევროკავშირი საწვავის მარაგების დონის შესაფასებლად ძირითადად თავის სტატისტიკურ სამსახურს, Eurostat-ს და წევრ ქვეყნებთან საკოორდინაციო შეხვედრებს ეყრდნობა. თუმცა, ასეთი მარაგების დიდი ნაწილი მხედველობის არედან მიღმა რჩება — გაფანტულ კომერციულ საწყობებში, კომპანიები კი თავს არიდებენ კონფიდენციალური ბიზნეს-ინფორმაციის გამჟღავნებას, რომლის მიწოდებაც მათ კანონით არ ევალებათ.