დონალდ ტრამპმა აშშ-ის კონგრესს ირანთან სამხედრო კონფლიქტის დასრულების შესახებ ოფიციალურად აცნობა. შესაბამისი წერილები მან წარმომადგენელთა პალატის სპიკერს, მაიკ ჯონსონს და სენატის დროებით თავმჯდომარეს, ჩაკ გრასლის გაუგზავნა.
ამ გადაწყვეტილების ფორმალური საფუძველი გახდა 1973 წელს მიღებული რეზოლუცია „ომის უფლებამოსილების შესახებ“, რომელიც 60-დღიან ლიმიტს აწესებს და თავის დროზე კონგრესმა ვიეტნამის ხანგრძლივი და გამოუცხადებელი ომის შემდეგ მიიღო.
მიუხედავად ამ ნაბიჯისა, ტრამპმა ხაზგასმით აღნიშნა, რომ საბრძოლო მოქმედებებისთვის კანონმდებლებისგან ნებართვის მოთხოვნის ვალდებულებას ის არაკონსტიტუციურად მიიჩნევს და მომავალში ამ პროცედურის გამოყენებას არ აპირებს.
წერილში პრეზიდენტმა დააფიქსირა, რომ 7 აპრილიდან ცეცხლი შეწყდა, თუმცა იქვე მიუთითა, რომ ირანის მხრიდან მომავალი საფრთხე კვლავ მნიშვნელოვანი რჩება.
ირანთან მშვიდობის მიღწევის პერსპექტივებზე საუბრისას, ტრამპმა ჟურნალისტებს განუცხადა, რომ თეირანის მიერ შემოთავაზებული პირობები მისთვის ამჟამად მიუღებელია. მან ასევე აღნიშნა, რომ არ სურს დაბომბვების განახლება, თუმცა სამომავლოდ არ გამორიცხავს.
