განცხადება · 127 ნახვა
„არსებობენ ჯგუფები, რომელთა ინტერესშიც შედის მხოლოდ ის, რომ როგორმე ხელი შეუშალონ ჩვენი ქვეყნის წინსვლას“
საპარლამენტო უმრავლესობის ლიდერის, პარლამენტის ფრაქცია “ქართული ოცნების” თავმჯდომარის ირაკლი კირცხალიას განცხადებით, გასაკვირი არ არის, რომ “ნამახვანჰესის” ირგვლივ განვითარებული მოვლენები მართული პროცესი იყო.
მისივე თქმით, არსებობენ ჯგუფები, რომელთა ერთადერთი ინტერესი საქართველოს განვითარებისთვის ხელის შეშლაა.
განათავსეთ თქვენი რეკლამა
“თითოეული მართული პროცესი, რომელსაც ვნახეთ ჩვენ წლების განმავლობაში ჩვენ ქვეყანაში და რომელიც საზოგადოებისთვის უკვე არ არის ახალი და გასაკვირი, თუ საიდან იყო და როგორ ფინანსდებოდა ეს ყველაფერი. თითოეული ასეთი გამოსვლა, თითოეული დაგეგმილი პროვოკაცია მეტყველებს ერთზე, რომ უკვე ღიად არსებობენ გარკვეული ჯგუფები და მათი სახე დამალული არ არის, რომელთა ინტერესშიც შედის მხოლოდ და მხოლოდ ის, რომ როგორმე, ნებისმიერი ხერხით, ხელი შეუშალონ ჩვენი ქვეყნის წინსვლას და განვითარებას”, – აცხადებს ირაკლი კირცხალია.
საქართველოს მთავრობა შტატების სასამართლოში საქმის შეჩერებას ითხოვდა, საფრანგეთში მიმდინარე პროცესის დასრულებამდე, სადაც ქართული მხარე საარბიტრაჟო გადაწყვეტილების გაუქმებას ამ დრომდე ცდილობს. პარიზის სასამართლომ საქართველოს 383 მილიონ დოლარიანი კომპენსაციის გადახდა 2024 წელს დააკისრა. “ენკამ” საერთაშორისო არბიტრაჟს “ნამახვანჰესის” პროექტთან დაკავშირებით მიმართა. მიზეზად კი სახელმწიფოს მიერ საინვესტიციო პირობების უხეში დარღვევა დაასახელა.
ირაკლი კირცხალია სხვა განცხადებებიყველა განცხადება
- ირაკლი კირცხალია„ერთია სწორად გაწერილი კანონმდებლობა და ორჯერ მეტად მნიშვნელოვანია ამის აღსრულება. ისეთი ბერკეტები უნდა შეიქმნას, რომ არ ჩავიდეს იატაკქვეშეთში და ჩვენი ქვეყანა არ გახდეს არალეგალური მოქმედებების ადგილი. ჩვენ ამის პრევენციას გავაკეთებთ და ძალიან დიდ ყურადღებას დავუთმობთ“
- ირაკლი კირცხალია„ჩვენ, სახელმწიფო ყველაფერს ვიზამთ, რომ როდესაც დედობას და მშობლობის უფლებას ეხება საქმე, ჩვენს მოქალაქეებს მაქსიმალური მხარდაჭერა გამოვუცხადოთ - 98% არ არის საქართველოს მოქალაქე, ვინც სარგებლობს ჩვენს ქვეყანაში ამ სერვისით და ბავშვი როდესაც ქვეყნიდან გადის სხვადასხვა ქვეყანაში, ჩვენ გვაქვს ნული კონტროლი შემდეგ იმ ბავშვის მომავალზე“
- ირაკლი კირცხალია„სამწუხაროდ, ევროკავშირის დღევანდელი ბიუროკრატია და პოლიტიკური ელიტები საბჭოთა მიდგომებს აჯობებენ თავიანთი მიდგომებით წევრი თუ კანდიდატი ქვეყნების მიმართ“
- ირაკლი კირცხალია„ძალიან საინტერესო პროცესი მიმდინარეობს საკონსტიტუციო სასამართლოში, ღიმილის მომგვრელია მათი მცდელობები, რომ როგორმე გაემიჯნონ ერთმანეთს“
