განცხადება · 91 ნახვა
გვარამიას განცხადებაზე
„ისინი ანგრევენ ყველაფერს, რაც ხელს უწყობს ჩვენი ქვეყნის მშვიდობიან განვითარებას, ტერიტორიების მშვიდობიან აღდგენას და რაც არის მშვიდობასთან დაკავშირებული“
ისინი ანგრევენ ყველაფერს, რაც ხელს უწყობს ჩვენი ქვეყნის მშვიდობიან განვითარებას, ტერიტორიების მშვიდობიან აღდგენას და რაც არის მშვიდობასთან დაკავშირებული, – ამის შესახებ ფრაქცია „ქართული ოცნების“ თავმჯდომარემ, საპარლამენტო უმრავლესობის ლიდერმა ირაკლი კირცხალიამ განაცხადა.
უმრავლესობის ლიდერს კითხვა აფხაზეთთან დაკავშირებით ნიკა გვარამიას მიერ გაკეთებულ განცხადებაზე დაუსვეს.
განათავსეთ თქვენი რეკლამა
„ჯერ სააკაშვილი, შემდეგ ბარამიძე, ახლა გვარამია [აკეთებენ განცხადებებს აფხაზეთზე]. როგორც კი რაიმე ნაბიჯი გადაიდგმება იმ ჩვენი პოლიტიკიდან გამომდინარე, რა დაკვეთაც აქვს საზოგადოებას, რომელი დაკვეთაც ძალაშია და ძალაში იქნება, სანამ მშვიდობიანი გზით არ მოხდება ჩვენი დებისა და ძმების დაბრუნება, ასეთი [გვარამიასნაირი] აგენტები ყოველთვის იტყვიან საწინააღმდეგოს. ის იმ პიროვნების [სააკაშვილის] წარმომადგენელია, რომელიც სასამართლო დარბაზიდან დღეს ქვების გროვის შემდეგ რამდენიმე სოფელს ახსენებს ჩვენს ოს დებსა და ძმებთან მიმართებით. რატომ გვიკვირს, რომ გვარამია ასეთ განცხადებას გააკეთებს, როგორც კი რაიმე პოზიტიურს დაინახავს?! მათთვის მნიშვნელოვანია, რაც შეიძლება, მეტი კონფლიქტური სიტუაცია იყოს როგორც ოკუპირებულ ტერიტორიაზე, ისე ქვეყნის შიგნით, თუ საგარეო კუთხით. ისინი ანგრევენ ყველაფერს, რაც ხელს უწყობს ჩვენი ქვეყნის მშვიდობიან განვითარებას, ტერიტორიების მშვიდობიან აღდგენას და რაც არის მშვიდობასთან დაკავშირებული“, – განაცხადა კირცხალიამ.
ნიკა გვარამია ამბობს, რომ ქართველებმა და აფხაზებმა ერთმანეთი უნდა „ავიტანოთ“. ტერიტორიული მთლიანობის აღდგენის ერთადერთ გზად კი პარტია „ახლის’’ ლიდერს ევროკავშირი ესახება.
ირაკლი კირცხალია სხვა განცხადებებიყველა განცხადება
- ირაკლი კირცხალია„ერთია სწორად გაწერილი კანონმდებლობა და ორჯერ მეტად მნიშვნელოვანია ამის აღსრულება. ისეთი ბერკეტები უნდა შეიქმნას, რომ არ ჩავიდეს იატაკქვეშეთში და ჩვენი ქვეყანა არ გახდეს არალეგალური მოქმედებების ადგილი. ჩვენ ამის პრევენციას გავაკეთებთ და ძალიან დიდ ყურადღებას დავუთმობთ“
- ირაკლი კირცხალია„ჩვენ, სახელმწიფო ყველაფერს ვიზამთ, რომ როდესაც დედობას და მშობლობის უფლებას ეხება საქმე, ჩვენს მოქალაქეებს მაქსიმალური მხარდაჭერა გამოვუცხადოთ - 98% არ არის საქართველოს მოქალაქე, ვინც სარგებლობს ჩვენს ქვეყანაში ამ სერვისით და ბავშვი როდესაც ქვეყნიდან გადის სხვადასხვა ქვეყანაში, ჩვენ გვაქვს ნული კონტროლი შემდეგ იმ ბავშვის მომავალზე“
- ირაკლი კირცხალია„სამწუხაროდ, ევროკავშირის დღევანდელი ბიუროკრატია და პოლიტიკური ელიტები საბჭოთა მიდგომებს აჯობებენ თავიანთი მიდგომებით წევრი თუ კანდიდატი ქვეყნების მიმართ“
- ირაკლი კირცხალია„ძალიან საინტერესო პროცესი მიმდინარეობს საკონსტიტუციო სასამართლოში, ღიმილის მომგვრელია მათი მცდელობები, რომ როგორმე გაემიჯნონ ერთმანეთს“
