„ჩემს ნათქვამში იგულისხმებოდა არჩილ გულედანის ნამღერი სიმღერის ტექსტი, და გთხოვთ მეტი შეკითხვებით ნუ შემაწუხებთ, შეუძლოდ ვარ, გავცივდი გუშინ“,-ასე პასუხობს ნინო სუხიშვილი მის მიმართ დასმულს კითხვებს, რომელიც ეხება გუშინ, Tbilisi open air-ზე გაკეთებულ განცხადებას.
25 მაისს ნინო სუხიშვილის მიერ სცენიდან წარმოთქმული სიტყვები ბევრისთვის მოულოდნელი იყო…
„ჩვენ ვართ ქრისტიანული ქვეყანა, დიდება უფალს! ჩვენი დასი ემიჯნება იმ სიტყვას, რომელიც აქ გაჟღერდა, რომელიც მკრეხელური იყო ჩვენი გაგებით. ჩვენ ამას არ ვეთანხმებით, ჩვენი დევიზი ყოველთვის იყო – ენა, მამული, სარწმუნოება…“- განაცხადა მან.
როგორც გაირკვა, ის გულისხმობდა “მწვანე ოთახის” საკმაოდ ძველ სიმღერას “MAMA”, რომელიც “იუითუბზე” ჯერ კიდევ 2013 წელს არის ატვირთული.
