ყოფილი ევროკომისარი “უფლებადაცვისა და კანონის უზენაესობის საკითხებში”, ბელგიელი პოლიტიკოსი დიდიე რეინდერსი, რომელიც წლების განმავლობაში ევროკავშირის ერთ-ერთ გავლენიან ფიგურად მიიჩნეოდა, დღეს ფართომასშტაბიანი სისხლის სამართლებრივი გამოძიების ცენტრში აღმოჩნდა. ბელგიის პროკურატურა ადასტურებს: რეინდერსთან დაკავშირებით მიმდინარეობს გამოძიება სავარაუდო ფულის გათეთრებისა და შესაძლო სამსახურებრივი უფლებამოსილების ბოროტად გამოყენების საქმეზე, – წერს ანალიტიკოსი, დავით ქართველიშვილი, სოციალურ ქსელში.
მისივე შეფასებით, დიდიე რეინდერსის საქმე ნათლად აჩვენებს ევროკავშირის ორმაგ სტანდარტებს, ვინაიდან, სწორედ ისინი, ვინც საქართველოს კანონის უზენაესობაზე არიგებენ, თავად აღმოჩნდნენ კორუფციულ სკანდალში. ქართველიშვილის თქმით, ეს არის პასუხი ევროკომისიის გუშინდელ სამარცხვინო, უსირცხვილო და უსამართლო ანგარიშზე საქართველოსთან დაკავშირებით.
„ყოფილი ევროკომისარი “უფლებადაცვისა და კანონის უზენაესობის საკითხებში”, ბელგიელი პოლიტიკოსი დიდიე რეინდერსი, რომელიც წლების განმავლობაში ევროკავშირის ერთ-ერთ გავლენიან ფიგურად მიიჩნეოდა, დღეს ფართომასშტაბიანი სისხლის სამართლებრივი გამოძიების ცენტრში აღმოჩნდა. ბელგიის პროკურატურა ადასტურებს: რეინდერსთან დაკავშირებით მიმდინარეობს გამოძიება სავარაუდო ფულის გათეთრებისა და შესაძლო სამსახურებრივი უფლებამოსილების ბოროტად გამოყენების საქმეზე.
საუბარია პერიოდზე, რომელიც მოიცავს როგორც მის საქმიანობას ბელგიის ფინანსთა და საგარეო საქმეთა მინისტრის პოსტებზე, ასევე დროის მონაკვეთს, როდესაც იგი იყო ევროკომისარი (2019–2024). ევროპული მედიის ცნობით, გამოძიების ყურადღება მიიპყრო ფინანსურმა ოპერაციებმა, რომლებიც რეინდერსის გარემოცვასთან ასოცირდებოდა. განსაკუთრებული ყურადღება დაეთმო ლატარეის ელექტრონული ბილეთების გამოყენებას, რომელთა მეშვეობით, სავარაუდოდ, ხდებოდა თანხების გათეთრება/ლეგალიზება.
გამოძიების ვერსიით, „ლატარეის მოგებები“ შესაძლოა გამოყენებულიყო მომდინარე თანხების წარმომავლობის დასაფარად. ამასთან ერთად, ანალიზდება საბანკო დეპოზიტებიც: პრესის ცნობით, დაახლოებით ათწლეულის განმავლობაში რეინდერსის ანგარიშებზე ნაღდი ფულით შეტანილი იყო ასობით ათასი ევროს ოდენობის თანხა. პროკურატურის ინტერესის სფეროში აღმოჩნდა ბელგიის მსხვილი ბანკი ING Belgium, რომელმაც შესაძლოა ვერ უზრუნველყო საეჭვო ტრანზაქციების სათანადო დაფიქსირება, მიუხედავად ფულის გათეთრების საწინააღმდეგო ვალდებულებებისა. შედეგად, რეინდერსი, რომელიც ევროკომისარად მუშაობის პერიოდში “კანონის უზენაესობასა და ანტიკორუფციულ სტანდარტებს” წარმოადგენდა, თავად აღმოჩნდა იმავე სტანდარტების შესაბამისობის შემოწმების ქვეშ.
საჭიროა ხაზგასმა: ამ ეტაპზე დიდიე რეინდერსი არ არის სასამართლოს მიერ დამნაშავედ ცნობილი. გამოძიება კვლავ მიმდინარეობს და ოფიციალური ბრალდება საბოლოოდ ჯერჯერობით არ წარდგენილა. თუმცა თავად იმ ფაქტმა, რომ ასეთი მაღალი რანგის ყოფილი ევროპელი ჩინოვნიკი გამოძიების ობიექტია, მნიშვნელოვანი საზოგადოებრივი და პოლიტიკური რეზონანსი გამოიწვია. დიდიე რეინდერსს მრავალი წლის განმავლობაში ეკავა ევროპის პოლიტიკური ელიტის უმაღლესი პოზიციები. იგი განხილულიც კი იყო ევროკომისიის პრეზიდენტის კანდიდატად და მნიშვნელოვანი როლი ჰქონდა ევროკავშირის პოზიციების ჩამოყალიბებაში „კანონის უზენაესობის“ თემაზე პოლონეთთან, უნგრეთთან და სხვა ქვეყნებთან მიმართებით. დღეს კი სწორედ ის პირი, რომელიც ევროპაში კანონის უზენაესობის დამცველად აღიქმებოდა, თავად აღმოჩნდა ამ პრინციპების შესაძლო დარღვევის ეჭვქვეშ.
რეინდერსის საქმე არა მხოლოდ იურიდიული პროცესი, არამედ ევროპულ ინსტიტუტებზე ნდობის ცხოვრებისუნარიანობის ტესტია.
საზოგადოებაში ჩნდება კითხვა: შეძლებს თუ არა ევროკავშირი გამჭვირვალობისა და მიუკერძოებლობის დემონსტრირებას მაშინ, როცა საკითხი შეეხება მისავე ყოფილი მაღალი რანგის წარმომადგენელს. ეს ბრიუსელისთვის და ევროკომისიისთვის სერიოზული გამოწვევაა, რომელიც გარკვეულ პასუხს მოითხოვს. ეს არის ჩემი პასუხი და კომენტარი, საქართველოსთან დაკავშირებით ევროკომისიის გუშინდელ სამარცხვინო, უსირცხვილო და უსამართლო ანგარიშზე.“ – წერს ქართველიშვილი.
