„გირჩი – მეტი თავისუფლების“ ლიდერი, ზურაბ ჯაფარიძე პენიტენციურ დაწესებულებებში ინტერნეტზე წვდომის შეზღუდვას აკრიტიკებს და ამ შეზღუდვას თანამედროვე სამყაროში გაუმართლებლად მიიჩნევს.
ჯაფარიძის თქმით, მისნაირი ადამიანისთვის ინტერნეტის გარეშე ყოფნა რეალურად წამების ტოლფასია.
“ჩემნაირი ადამიანისთვის მგონი მართლა წამებასთან გათანაბრებული რამეა, როცა არ გაქვს წვდომა ინტერნეტთან. თუნდაც მარტო Google-ი და ვიკიპედია რომ აიღო, თავი დაანებო, YouTube-ს და რაღაცებს… მაგის ახსნა არ არსებობს 21-ე საუკუნეში. მე შეიძლება შემიზღუდო კომუნიკაციის საშუალება გარეთ და მე ვერაფერი ვერ გავაგზავნო იმიტომ, რომ არ ვიცი… ჩემ შემთხვევაში რისი ეშინიათ, რომ რევოლუციას მოვახდენ შიგნიდან?! პირობითად ვიძახი, მაგრამ რატომ არ უნდა მქონდეს იმის საშუალება, რომ რაღაცა დავგუგლო, რაღაც ვიკიპედიაში ვნახო, ან YouTube-ზე რაღაცას ვუყურო, მართლა არ მესმის“, – განაცხადა ჯაფარიძემ.
