გარდაცვლილი პატიმრის ოჯახი, რომელმაც სიცოცხლე ციხეში სუიციდით დაასრულა დავითაძის ოჯახს სოციალურ ქსელში პასუხობს.
ოჯახი აღნიშნავს, რომ ყველა ადამიანი, ვინც გარდაცვლილი ოჯახის წევრის მიმართ შეურაცხმყოფელ, ღირსების შემლახველ ან ცილისმწამებლურ განცხადებებს აკეთებს, პასუხს უნდა აგებდეს კანონით დადგენილი წესით.
“ყველა ადამიანი, ვინც ჩვენი გარდაცვლილი ოჯახის წევრის მიმართ შეურაცხმყოფელ, ღირსების შემლახველ ან ცილისმწამებლურ განცხადებებს აკეთებს, პასუხს უნდა აგებდეს კანონით დადგენილი წესით.
განსაკუთრებით მიუღებელია ის, რომ ზოგიერთი ადამიანი საჯაროდ, მათ შორის ტელევიზიებში, გამოდის მძიმე და ამაზრზენი ბრალდებებით ისე, რომ საერთოდ არ ითვალისწინებს გარდაცვლილის ოჯახის მდგომარეობას და იმ უდიდეს ტკივილს, რომელსაც ამ წუთებში განვიცდით.
მოვითხოვთ, თითოეული მსგავსი განცხადება და ფაქტი სათანადოდ იქნეს შესწავლილი და, სამართლებრივი საფუძვლის არსებობის შემთხვევაში, დამნაშავე პირებს კანონის სრული სიმკაცრით მოეთხოვოთ პასუხი.
ჩვენი ოჯახის მწუხარება არავის აძლევს უფლებას, გარდაცვლილის ღირსებას შეეხოს და მგლოვიარე ოჯახს დამატებითი ტკივილი მიაყენოს.”- ნათქვამია განცხადებაში.
ცნობისთვის, დავითაძის ოჯახმა ერთ-ერთი პატიმრის შესახებ, რომელმაც სიცოცხლე ციხეში სუიციდით დაასრულა, განაცხადა, რომ “მიიყვანეს იმ ზომამდე, რომ თავი მოეკლა.”გარდაცვლილი პატიმრის ოჯახი, რომელმაც სიცოცხლე ციხეში სუიციდით დაასრულა დავითაძის ოჯახს პასუხობს: ზოგიერთი ადამიანი საჯაროდ გამოდის ამაზრზენი ბრალდებებით ისე, რომ არ ითვალისწინებს გარდაცვლილის ოჯახის მდგომარეობას. მოვითხოვთ, დამნაშავე პირებს კანონის სრული სიმკაცრით მოეთხოვოთ პასუხი. ჩვენი ოჯახის მწუხარება არავის აძლევს უფლებას, გარდაცვლილის ღირსებას შეეხოს
