განცხადება · 142 ნახვა
„როდესაც ხელისუფლებაში მყოფი მმართველი ძალა ადამიანის უფლებებს სისტემურად და სისტემატურად არღვევს, ასეთი ქმედებებით ის კონსტიტუციურ წყობილებას ამხობს. ამ შემთხვევაში საუბარია იმდროინდელ მმართველ პარტიაზე - „ნაციონალურ მოძრაობაზე““
საკონსტიტუციო სასამართლოში მიმდინარე განხილვისას პარლამენტის თავმჯდომარის მოადგილემ გიორგი კახიანმა განაცხადა, რომ 2003-2012 წლებში „ნაციონალური მოძრაობის“ ხელისუფლების პირობებში ადამიანის უფლებებისა და თავისუფლებების სისტემური დარღვევა კონსტიტუციური წყობილების წინააღმდეგ მიმართულ ქმედებებს წარმოადგენდა.
მისი თქმით, სარჩელში წარმოდგენილი არგუმენტები, მათ შორის, სტრასბურგის სასამართლოსა და ეროვნული სასამართლოების გადაწყვეტილებებითაც არის გამყარებული.
განათავსეთ თქვენი რეკლამა
კახიანის განმარტებით, სამართლებრივი სახელმწიფოს ერთ-ერთი მთავარი საფუძველი ადამიანის უფლებების დაცვაა და მათი სისტემური დარღვევა კონსტიტუციური წყობილების დამხობას ნიშნავს.
„როდესაც კონსტიტუციური წყობილების დამხობას ვედავებით მოპასუხე მხარეს სამართლებრივი სახელმწიფოს პრინციპის ნაწილში, უნდა გავითვალისწინოთ, რომ სამართლებრივი სახელმწიფო მრავალი კომპონენტისგან შედგება, თუმცა ერთ-ერთი მთავარი ადამიანის უფლებებია. 2003-2012 წლებში ადამიანის უფლებებისა და თავისუფლებების სისტემური და სისტემატური დარღვევა სადავო არ არის. ამ ნაწილში ჩვენი სარჩელი გამყარებულია როგორც სტრასბურგის სასამართლოს, ისე ეროვნული სასამართლოების გადაწყვეტილებებით. ბუნებრივია, როდესაც ხელისუფლებაში მყოფი მმართველი ძალა ადამიანის უფლებებს სისტემურად და სისტემატურად არღვევს, ასეთი ქმედებებით ის კონსტიტუციურ წყობილებას ამხობს. ამ შემთხვევაში საუბარია იმდროინდელ მმართველ პარტიაზე - „ნაციონალურ მოძრაობაზე“, - განაცხადა კახიანმა.
გიორგი კახიანი სხვა განცხადებებიყველა განცხადება
- გიორგი კახიანი„რატომღაც დავბრუნდით შუამდგომლობების დაყენების ეტაპზე, არადა ეს ეტაპი სასამართლომ ორი კვირის წინ გაიარა. შეიძლება ითქვას, რომ ალბათ დროის გაწელვის მიზანი უფრო ჰქონდა ასეთი შუამდგომლობების დაყენებას, ვიდრე ის, რომ საქმისთვის კონკრეტული შედეგი დამდგარიყო“
- გიორგი კახიანი„გახარიას პარტიის წარმომადგენლის გამოსვლა ზედმეტად აგრესიული, შეურაცხმყოფელი განცხადებებით, ბევრი ტყუილით და არასწორი ინფორმაციით იყო სავსე, თითქოს სტრასბურგის სასამართლომ დაადგინა, რომ გიორგი გახარიას რეზინის ტყვიების გამოყენების ბრძანება არ გაუცია, ეს სინამდვილეში არის ტყუილი“
- გიორგი კახიანი„გვარამიამ სინანული იმაზე კი არ გამოთქვა, რომ ხელისუფლებაში მისი ყოფნის დროს სისტემურად ირღვეოდა ადამიანის უფლებები, არამედ, იმასთან დაკავშირებით, რა ქველმოქმედებასაც ბიძინა ივანიშვილი ეწეოდა – რეალურად მათ ანაღვლებთ ის, რომ ბიძინა ივანიშვილს აქვს საზოგადოების დიდი მხარდაჭერა და დიდი პატივისცემით სარგებლობს“
- გიორგი კახიანი„საქართველოში განვითარებული პროცესები, ქვეყნის გარედან იყო დაფინანსებული. დღეს მსგავსი პროცესები ევროპის ქვეყნებშიც ვითარდება, რომელიც ასევე ამ ქვეყნების გარედან ფინანსდება. ეს იმაზე მეტყველებს, რომ ის კანონები, რომელიც თავის დროზე მივიღეთ, ქვეყნის ეროვნულ ინტერესებს შეესაბამება“