გერმანიის 22 000-ზე მეტმა მოქალაქემ ოფიციალურად შეიცვალა სქესი მას შემდეგ, რაც პროცედურების გამარტივების შესახებ ახალი კანონი ძალაში შევიდა. ინფორმაციას გერმანული მედია ავრცელებს.
მედიის ცნობით, 2024 წლის ნოემბრიდან გერმანიის მცხოვრებლებს შეუძლიათ სამოქალაქო რეესტრის ოფისში განაცხადის წარდგენით, შეცვალონ დაბადებისას მინიჭებული სქესი, ასევე სახელი. ხელმისაწვდომი კატეგორიებია: მამრობითი, მდედრობითი, შერეული და დაუზუსტებელი.
მიუხედავად იმისა, რომ ასეთი ცვლილებები ადრეც იყო შესაძლებელი, ფრიდრიხ მერცის წინამორბედი კანცლერის ოლაფ შოლცის მემარცხენე-ცენტრისტული მთავრობის მიერ მიღებულმა თვითგამორკვევის აქტმა პროცესი გაცილებით გაამარტივა.
ახალმა კანონმა გააუქმა ტრანსსექსუალთა შესახებ საკამათო კანონი, რომელიც ავალდებულებდა მათ, ვისაც სქესისა და სახელის ოფიციალურად შეცვლა სურდა, გაევლოთ ხანგრძლივი და ძვირად ღირებული სამართლებრივი პროცესი, რომელიც სამედიცინო ექსპერტების შეფასებასაც მოიცავდა.
გერმანიის სტატისტიკის ფედერალური სამსახურის მონაცემებით, რომელიც 2024 წლის ნოემბრიდან 2025 წლის ივლისამდე პერიოდს მოიცავს, კანონის ცვლილების ძალაში შესვლიდან პირველივე თვეში რეესტრში სულ 7057 ადამიანმა შეცვალა საკუთარი ჩანაწერი სქესის შესახებ.
