მეჩვენება, რომ პრემიერ მინისტრს რაღაცას უხლართავენ,-ამის შესახებ ლალი მოროშკინა სოციალურ ქსელში წერს.
მისი თქმით, სხვადასხვა მინიშნებებით ჩანს, რომ ცდილობენ, ირაკლი კობახიძეს “თავები დაუმარხონ”.
„არასოდეს არაფერი არ მეჩვენება, აი ახლაც არ მეჩვენება, რომ პრემიერ მინისტრს რაღაცას უხლართავენ… დიდი ანალიტიკოსობა არ არის საჭირო, რომ “დაიჭირო” ის უკვე ხილული მინიშნებები , რომლითაც ცდილობენ პრაქტიკულად ფენომენალური ნიჭის პატრონს, ირაკლი კობახიძეს “თავები დაუმარხონ”, ყველა შესაძლო საშუალებით გამოაცალონ მისი მთავარი იარაღი – ემოციის 100%-ით კონტროლი და მონოტვინიანთა იგნორი.
“ცალტვინა” (მონო) განსაკუთრებული ფენომენია. ის ვერ იტანს მასზე ჭკვიანს, მასზე გაბედულს და მასზე წარმატებულს. მონო ტვინი ავადმყოფურად აღიქვამს ნაცრისფერი შემადგენლობის დომინირებას სხვის თავში, საკუთარი ჩალის თავი კი ეძვირება.
უფერული კოჰორტისთვის- მონოტვინიანებისთვის, ირაკლი -“უცხო სხეულია”. ჭკვიანი პრემიერი-მავანთა პირად ტრაგედიად გადაიქცა.
თემების არასწორედ ინტერპრეტირება, წინასწარ ფიასკოდ წარმოჩენა არარსებული პრობლემის ჯერ სუსტი,მაგრამ მიზანმიმართული ბრწკენები, რაც მოედინება მედიიდან, უფრო აგორდება და აზვირთდება, თუ ერთი-ორი დროულად და სამაგალითოდ არ დაისაჯა.
მე მითქვამს! განდიდებული სუსტი ყოველთვის საშიშია…. სამწუხაროდ პრეცედენტები აჩენს განმეორების ალბათობას.
C’est la vie
P.S. ირაკლი ბოლო ბასტიონია, რომლის წაქცევასაც ცდილობენ, იმ გზაზე, რომელიც ბიძინა ივანიშვილთან მიდის. მავანთ ბოღმა და ღვარძლი არ ასვენებთ, მაგრამ ის კი არ იციან, რომ ბრძენ კაცს ყოველთვის აქვს გეგმა “B”,” C” და “D”.“,-წერს ლალი მოროშკინა სოციალურ ქსელში.
