ბულგარეთში ვადამდელი საპარლამენტო არჩევნები მიმდინარეობს, რომელიც ბოლო ხუთ წელიწადში უკვე მერვედ იმართება.
არჩევნებში წინასწარი გამოკითხვის მიხედვით, 35%-იანი მხარდაჭერით, „პროგრესული ბულგარეთის“ ლიდერი, ყოფილი პრეზიდენტი რუმენ რადევი ლიდერობს, რომელიც ევროსკეპტიკურადაა განწყობილი და ეწინააღმდეგება უკრაინის სამხედრო მხარდაჭერას. მას დასავლური პრესა პრორუს ლიდერად მოიხსენიებს.
რადაევმა პრეზიდენტის თანამდებობა იანვარში დატოვა და არჩევნებში ჩაერთო, რომელიც რიგგარეშედ იმართება მას შემდეგ, რაც მასშტაბური საპროტესტო გამოსვლების ფონზე წინა ხელისუფლება დეკემბერში გადადგა.
არჩევნებში მანდატების მოსაპოვებლად კიდევ ცხრა პარტია იბრძვის.
Facebook Comments Box
