ევროკავშირში სექსუალური ძალადობისა და გაუპატიურების შემთხვევები ბოლო 10 წელიწადში მკვეთრად გაიზარდა, – ამის შესახებ ევროკავშირის სტატისტიკური სამსახურის (Eurostat) მიერ გამოქვეყნებული ახალი მონაცემებიდან.
სტატიაში მოყვანილია დანაშაულის სტატისტიკა. კერძოდ, ანგარიშის მიხედვით, 2024 წელს ევროკავშირის მასშტაბით პოლიციამ 256 302 სექსუალური ძალადობის ფაქტი აღრიცხა, რომელთაგან 98 190 გაუპატიურების შემთხვევა იყო. რაც საერთო რაოდენობის 38%-ს შეადგენს. 2023 წელთან შედარებით, სექსუალური ძალადობის დანაშაულები 5%-ით გაიზარდა, ხოლო გაუპატიურების შემთხვევები 7%-ით არის გაზრდილი.
მონაცემები აჩვენებს, რომ 2014-დან 2024 წლამდე პერიოდში სექსუალური ძალადობის შემთხვევები 94%-ით, ხოლო გაუპატიურების შემთხვევები 150%-ით არის გაზრდილი.
ამავე ანგარიშში წარმოდგენილია მკვლელობების სტატისტიკაც. მაგალითად, 2024 წელს ევროკავშირში 3 953 განზრახ მკვლელობა დაფიქსირდა, რაც 2023 წელთან შედარებით 1%-ით მეტია. თუმცა, 2014 წლის მონაცემებთან შედარებით, მკვლელობების რაოდენობა 11%-ით შემცირებულია.
