განცხადება · 107 ნახვა
„ევროკომისიის კვლევა ადასტურებს ევროპული ბიუროკრატიის მტრულ განწყობებს ჩვენი ქვეყნის მიმართ, რომელსაც იოტისოდენა საფუძველიც კი არ აქვს“
საპარლამენტო უმრავლესობის წევრმა, ირაკლი ზარქუამ მედიასთან საუბრისას მსოფლიო ბანკის მიერ გამოქვეყნებულ კვლევაზე ისაუბრა.
მისი თქმით, კვლევამ, რომელიც ევროკომისიის მიერ ჩატარდა, ფარდა ახადა არაფორმალური ძალების მხრიდან ევროპელი ბიუროკრატების მიზანმიმართულ გამოყენებას საქართველოს წინააღმდეგ.
განათავსეთ თქვენი რეკლამა
„როდესაც, ერთი მხრივ, ევროკავშირის ლიდერები ხელოვნურად, მიზანმიმართულად ყოფენ ქართველ ხალხს და საქართველოს მთავრობას, ხოლო, მეორე მხრივ, ევროკომისიის კვლევა ამბობს, რომ საქართველო მთავრობა ნდობის რეიტინგში ევროკავშირის მასშტაბით მეხუთე პოზიციაზეა, ეს ადასტურებს ევროპული ბიუროკრატიის მტრულ განწყობებს ჩვენი ქვეყნის მიმართ, რომელსაც იოტისოდენა საფუძველიც კი არ აქვს. ხშირად ვისმენთ დაუსაბუთებელ კრიტიკას ჩვენი ხელისუფლების მიმართ და ამ კრიტიკის ავტორები ევროკავშირის უმაღლესი თანამდებობის პირები არიან. ხშირად ამბობენ ისინი, რომ მთავრობის ცუდი ქმედებების მიუხედავად არ მიატოვებენ ქართველ ხალხს. მე მაინტერესებს, რომელ ქართველ ხალხს ესაუბრებიან ეს ბიუროკრატები? მათივე კვლევამ დაადასტურა, რომ ქართველი ხალხი ენდობა იმ ხელისუფლებას, რომელიც მან აირჩია და ნდობის ეს ხარისხი იმდენად მაღალია, რომ ევროპაში მეხუთე პოზიციას ვიკავებთ. ეს კვლევა ამბობს, რომ ქართველი ხალხი და საქართველოს მთავრობა არის ერთ ვექტორზე, ეს კვლევა ამბობს, რომ მთავრობას ესმის ქართველი ხალხის და ქართველი ხალხი ენდობა მთავრობას“, – განაცხადა ზარქუამ.
ცნობისთვის, ევროკომისიის „ევრობარომეტრის“ კვლევის მიხედვით, მთავრობისადმი ნდობის რეიტინგით საქართველო 54.1%-ით ევროპის ქვეყნების ხუთეულშია.
ირაკლი ზარქუა სხვა განცხადებებიყველა განცხადება
- ირაკლი ზარქუა„დღეს რა პროცესებიც მიმდინარეობს ევროკავშირის დიდ სახელმწიფოებში, არასწორი, უსამართლო და ორმაგი სტანდარტის პოლიტიკის შედეგია. მოგვიწოდებდნენ, რომ ფრონტის ხაზები გაგვეხსნა რუსეთთან, სანქციები დაგვეწესებინა, კიდევ კარგი, რომ არ დავუჯერეთ“
- ირაკლი ზარქუა„რევოლუციისთვის, პარლამენტზე და პრეზიდენტის სასახლეზე შტურმისთვის, მოლოტოვის კოქტეილის სროლაზე დაკავებულებს პოლიტპატიმრებად მოიხსენიებენ- ეს არის მათი ორმაგი სტანდარტი და მათი მიდგომა“
- ირაკლი ზარქუა„ბატონო ჰერჩინსკი, ვინ გაიძულებთ, რომ ასე „ლუზერად“ გამოიყურებოდეთ? იმის ნაცვლად, რომ ეს უძველესი ცივილიზაციის სახელმწიფო, ჩვენი კულტურით, ისტორიით, წარსულით, ევროკავშირთან დაგეახლოებინათ, ყველაფერი გააკეთეთ, რომ ჩვენს შორის უფსკრული ყოფილიყო“
- ირაკლი ზარქუა„ბიძინა ივანიშვილი „ნაციონალური მოძრაობის“ ხელისუფლებაში ყოფნის პერიოდში, როდესაც სახელმწიფოს ბიუჯეტს ელემენტარული რესურსებიც კი არ ჰქონდა, პირადი სახსრებით აფინანსებდა ქართულ ჯარს, პოლიციას, პედაგოგებსა და ათიათასობით საჯარო მოხელეს“
