კარლ ბუშბიმ 50 000 კილომეტრი ფეხით, ტრანსპორტის გარეშე გაიარა. 5 ოქტომბერს 57 წლის ყოფილმა მედესანტემ ლა-მანშის სრუტე გადაცურა და დუვრთან ნაპირზე გადმოვიდა, იუწყება AFP.
1998 წლის ნოემბერში მან სტარტი ჩილეს ქალაქ პუნტა-არენასიდან აიღო. ბუშბიმ პირობა დადო, რომ ჰალთან მდებარე დედის სახლამდე თვითმფრინავების, მატარებლების, გემებისა და მანქანების გარეშე მიაღწევდა. მას შემდეგ მან 29 ქვეყანა, ორივე ამერიკა, ბერინგის სრუტე და მთელი რუსეთი აღმოსავლეთიდან დასავლეთით გადაკვეთა.
მოგზაურობის დაპაუზება რამდენჯერმე მოუწია. მოსკოვი წლების განმავლობაში არ აძლევდა მას ვიზას, მოგვიანებით ხელი შეუშალა 2008 წლის ფინანსურმა კრიზისმა და პანდემიამ, თუმცა ბუშბი გზას ყოველჯერზე ზუსტად იმ წერტილიდან აგრძელებდა, სადაც გაჩერდა.
დუვრში, შექსპირის პლიაჟზე, მოგზაურს მეგობრები და ნათესავები დახვდნენ. AFP-სთან ინტერვიუში ბუშბიმ აღნიშნა, რომ თავისი ხანგრძლივი ხეტიალის შემდეგ «ზრდასრულ ცხოვრებასთან» დაბრუნების აუცილებლობა შეშფოთებას იწვევს.
