ᲘᲜᲤᲝᲤᲝᲡᲢᲐᲚᲘᲝᲜᲘ
ᲑᲝᲚᲝ შაკო ჩაჩანიძე„სოციალურ ქსელში ერთ-ერთმა გვერდმა თარიღის მითითების გარეშე გამოაქვეყნა ბათუმში მომხდარი ტრაგედიის ძველი ვიდეო, რათა ხალხი შეცდომაში შეეყვანათ, სინამდვილეში, ეს მშიშარა და ფარისეველი თორნიკე რაზმაძის ჯიბის გვერდია - აქ იდება ყველაფერი, რის თქმასაც პირად პროფილზე ვერ ბედავს“ დღეს 0 მასალა
  • ამინდი: MET Norway
  • თბილისი6°C
  • ბათუმი10°C
  • ქუთაისი8°C
  • რუსთავი8°C
  • ზუგდიდი8°C
  • თელავი6°C
  • გორი7°C
  • ახალციხე4°C
  • ოზურგეთი8°C
  • ამბროლაური5°C
  • მესტია−2°C
  • ფოთი10°C
  • ეროვნული ბანკის კურსი 21 ნოემბერი
  • USD2.5926−0.0007
  • EUR2.8423−0.0124
  • GBP3.3968−0.0191
  • TRY0.0513−0.0001
  • 100 RUB3.1542−0.0113
  • AZN1.5242−0.0004
  • 1000 AMD7.1871−0.0065
  • 10 UAH0.5762+0.0014
ᲞᲝᲚᲘᲢᲘᲙᲐ4 ᲜᲝᲔᲛᲑᲔᲠᲘ18:54
ეკა სეფაშვილი

განცხადება · 136 ნახვა

„მიზეზები, რომლებიც ევროკომისიის გაფართოების ანგარიშშია მოყვანილი, მხოლოდ მოგონილი საბაბია, რათა თითის დასაქნევი მიზეზი არსებობდეს - აბა, ტყუილუბრალოდ, არგუმენტების გარეშე ვერ იტყვიან, რას ერჩიან საქართველოს და ქართულ ხელისუფლებას“

პარტია “ხალხის ძალის” საერთაშორისო ურთიერთობათა მდივანმა ეკა სეფაშვილმა საგარეო ურთიერთობათა და ევროპასთან ინტეგრაციის კომიტეტების გაერთიანებულ სხდომაზე ევროკომისიის გაფართოების ანგარიში შეაფასა და განაცხადა, რომ დოკუმენტში მოყვანილი მიზეზები საქართველოს მიმართ მხოლოდ მოგონილი საბაბია.

დეპუტატის თქმით, ევროკავშირს საქართველოში ისეთი ხელისუფლება სურს, რომელიც უპირობოდ შეასრულებს მის მითითებებს, ხოლო ანგარიშში ასახული რეალობა ადასტურებს, რომ ევროკომისიას დაკარგული აქვს ის ფუძემდებლური ღირებულებები, რომლებსაც ევროკავშირი ეფუძნება.

„არ შემიძლია, არ გამოვეხმაურო ევროკომისიის გაფართოების ამ ანგარიშს, რომელიც ასახავს ისეთ რეალობას, რომელშიც საქართველოს ხილვა მხოლოდ მარიონეტ ქვეყნად სურთ. ესაა რეალობა და სწორედ ამას ასახავს ეს ანგარიშიც. მიზეზები, რომლებიც ამ ანგარიშშია მოყვანილი და წლიდან წლამდე გვესმის, მხოლოდ მოგონილი საბაბია, რათა თითის დასაქნევი მიზეზი არსებობდეს. აბა, ტყუილუბრალოდ, მოწმენდილ ცაზე, არგუმენტების გარეშე ვერ იტყვიან, რას ერჩიან საქართველოს და ქართულ ხელისუფლებას. სწორედ ეს არის მიზეზი [გაფართოების ანგარიშის] - საქართველოში მხოლოდ მარიონეტული მთავრობა სურთ, რომელიც უპირობოდ შეასრულებს მათ მითითებებს, არ მიიღებს ისეთ კანონებს, რომლებიც ხელს უშლის ამ ქვეყანაში ძალადობრივი გზით ხელისუფლების შეცვლას. მათ ინტერესში ბევრი სხვადასხვა საკითხია - ომში ჩართვიდან დაწყებული, LGBT პროპაგანდით და არა მარტო პროპაგანდით დამთავრებული, აღარაფერს ვამბობ გამჭვირვალობისა და ოჯახური ღირებულებების დაცვის კანონმდებლობაზე - ამ რეალობას ასახავს ევროკავშირის ეს ანგარიში.

დიდი ხანია ვმუშაობ ევროინტეგრაციის საკითხებზე. ძალიან კარგად მახსოვს, თუ როგორი დელიკატური ენით წერდნენ ევროკავშირის გაფართოების ანგარიშს, როგორი აკადემიურობით აღნიშნავდნენ იმ საკითხებს, რომლებიც საქართველოს უნდა შეესრულებინა, და როგორი თანამშრომლობითი ურთიერთობა იყო ნებისმიერი საკითხის შესრულებისას ან ნებისმიერ სფეროში პროგრესის მისაღწევად. ეს ანგარიში ადასტურებს იმას, რომ ევროკავშირში დღეს არის ის ევროკომისია, რომელსაც არ გააჩნია ის ფუძემდებლური ღირებულებები, რომლებიც ევროკავშირს უდევს საფუძვლად და რომლის გამოც უნდა საქართველოს და ქვეყნის მოსახლეობას ევროკავშირში ინტეგრაცია. დღეს ჩვენ ვხედავთ იმ ღირებულებებს, რომელთაც ქართველი ხალხი არ აღიარებს. სწორედ ამიტომ ხდება, რომ რევოლუციის ამდენი მცდელობიდან წარმატებით ვერცერთი ვერ დაგვირგვინდა და მე დარწმუნებული ვარ, რომ ვერც შემდგომი ნაბიჯები და შემდგომი მცდელობები (ამაშიც დარწმუნებული ვარ, რომ მსგავსი იქნება) გამოიღებს ნაყოფს. მე ვგულისხმობ ძალადობრივი მეთოდით ხელისუფლების შეცვლას,” - განაცხადა ეკა სეფაშვილმა.

ეკა სეფაშვილი სხვა განცხადებებიყველა განცხადება

  1. ეკა სეფაშვილი„ქალთა უფლებების დაცვა სახელმწიფო პრიორიტეტია და ძალიან მნიშვნელოვანია ჯანსაღი საზოგადოების გაძლიერებისთვის, ასევე სოციალურ საკითხებზე ორიენტირებული სახელმწიფო პოლიტიკის განმტკიცებისთვის.“
  2. ეკა სეფაშვილი„საქართველოში არ და ვერ მოხერხდება ევროინტეგრაციის პროცესის პოლიტიზირება - სწორედ ამას უზრუნველყოფს ქართველი ხალხი და მათ მიერ არჩეული ხელისუფლება, რომელსაც ჰყოფნის გონიერება და საქართველოს ინტერესებს დღემდე წარმატებით იცავს“
  3. ეკა სეფაშვილი„ევრობიუროკრატებმა დიალოგის სივრცე თავად ჩაკეტეს, რადგან ოფიციალურ დონეზე საქართველოს მიერ გაჟღერებული სწორი, სამართლიანი არგუმენტების მოსმენა არ სურთ, თორემ ევროინტეგრაციის პროცესი, რომ მიმდინარეობს საქართველოში, ეს გადასარევად იციან და მათი არაერთი კვლევა მოწმობს ამას“
  4. ეკა სეფაშვილი„ევროკავშირის ამჟამინდელ ბიუროკრატიას, ევროკომისიის სახით, სურს საქართველო მორჩილი ვასალის როლში იხილოს“