განცხადება · 164 ნახვა
ევროსაბჭოს რეზოლუციაზე
„მეხუთე და მეთერთმეტე პუნქტებს რუსეთი ჩვენს წინააღმდეგ იყენებდა ყოველთვის და ის, რომ საქართველოს სახელმწიფოს წარმომადგენლები მაგრად დაუდგნენ, საკმაოდ სერიოზული ომი გადაიტანეს რუსულ მხარესთან, რომ არ აღმოჩენილიყო სასამართლოს გადაწყვეტილებებში, არაფრით ამართლებს იმას, რასაც "ნაცმოძრაობამ" მხარი დაუჭირა“
საპარლამენტო უმრავლესობის წევრმა, თენგიზ შარმანაშვილმა, ევროსაბჭოს მიერ 2008 წლის 2 ოქტომბერს მიღებულ რეზოლუციაში არსებულ მე-5 და მე-11 პუნქტებზე ოპოზიციური პარტიების წარმომადგენელთა რეპლიკებს უპასუხა და აღნიშნა, რომ იმის თქმა, თითქოს ხსენებულ პუნქტებში არსებულ ჩანაწერებს უარყოფითი შედეგები ქვეყნისთვსი არ მოუტანია, არასწორია.
შარმანაშვილის შეფასებით, ამ ჩანაწერებზე დათანხმებით, მაშინდელმა ხელისუფლებამ უზარმაზარი რისკის წინაშე დააყენა ქართული სახელმწიფო და ის, რომ ქართული მხარის, იურისტების დიდი ძალისხმევის შედეგად საერთაშორისო სასამართლოების გადაწყვეტილებებში აღნიშნული პუნქტები არ არისახა, არაფრით ამართლებს "ნაცმოძრაობის" ქმედებას და რეზოლუციის მხარდაჭრას.
განათავსეთ თქვენი რეკლამა
"ახლაც ითქვა, გუშინაც გაიჟღერა ამ საკითხმა, რომ ნუ ვისაუბრებთ ამ თემაზე, [ევროსაბჭოს რეზოლუციის] მეხუთე და მეთერთმეტე პუნქტებზე, ვინაიდან ამას უარყოფითი შედეგი ხომ არ მოუტანია საბოლოო ჯამშიო. რა ძალისხმევა დაჯდა ამ სასამართლოებში, რომ მეხუთე და მეთერთმეტე პუნქტების გაბათილება მომხდარიყო ისეთი ფორმით, რომ ის არ ასახულიყო ამ სასამართლოების გადაწყვეტილებებში, ეს საყოველთაოდ ცნობილია და ამაზე ბევრს გამოუთქვამს აზრი. ასე რომ, როგორ არ მოიტანა - რუსეთმა ეს ჩვენ წინააღმდეგ გამოიყენა და ჩვენ წინააღმდეგ იყენებდა ყოველთვის. და ის, რომ ჩვენი იურისტები, საქართველოს სახელმწიფოს წარმომადგენლები მაგრად დაუდგნენ ამ საქმეს, საკმაოდ სერიოზული ომი გადაიტანეს რუსულ მხარესთან, რომ ეს არ აღმოჩენილიყო სასამართლოს გადაწყვეტილებებში, არაფრით ამართლებს იმას, რაც მათ გააკეთეს და რასაც მათ მხარი დაუჭირეს ამ რეზოლუციაში. ასე რომ, ასე ნუ იტყვიან სასახად, რომ ხომ არაფერი მომხდარაო. როგორ არ მომხდარა, დიდი რისკი იყო, უზარმაზარი რისკის წინაშე დააყენეს საქართველოს სახელმწიფო და ის, რომ ჩვენებმა ივაჟკაცეს და ის, რომ ჩვენებმა ყველაფერი გააკეთეს ამის ნიველირებისათვის, არაფერ შუაში არ არიან ამ საქმესთან მოპასუხის წარმომადგენლები. ამიტომ ამაზე ყურადღების მიქცევა მინდოდა," - განაცხადა თენგიზ შარმანაშვილმა.
თენგიზ შარმანაშვილი სხვა განცხადებებიყველა განცხადება
- თენგიზ შარმანაშვილი„სასამართლო გადაწყვეტილებებს ეჭვქვეშ აყენებენ და ამბობენ, რომ არაფერზე არიან პასუხისმგებლები, ისინი იმდენად უსუსურები არიან მტკიცებულებებსა და ფაქტების წინაშე, რომ ეს ტაქტიკა აირჩიეს“
- თენგიზ შარმანაშვილი„მოპასუხე მხარეს რომ წარმოუდგენია, სასამართლოს არის ადგილი, სადაც შეგიძლია ყალბი ინფორმაცია გაავრცელო, იმიტომაც წააგეს ყველა საქმე სტრასბურგში. პოლიტიკოსები იმას რომ იკადრებენ, სასამართლოს ყალბი ინფორმაცია მიაწოდონ, ამას თავისი შედეგები უნდა ჰქონდეს“
- თენგიზ შარმანაშვილი„მოსამართლეებს შეუძლიათ თავისი ინიციატივით გამოითხოვონ მასალები თუ რაღაცის დაზუსტება დასჭირდებათ. შესაბამისად, არავის ვურჩევდი ტყუილი ნარატივების გავრცელებას, რადგან ამას თავისი შედეგები ექნება მოსამართლეების მხრიდან“
- თენგიზ შარმანაშვილი„აბსოლუტურად უპასუხისმგებლო განცხადებაა. დედამიწაზე არ არსებობს არანაირი ტიპის სახელმწიფო, რომელიც ნარკოტიკების უკანონო გავრცელებას და გასაღებას არ ებრძვის“
