ფინეთის პრეზიდენტი ალექსანდრ სტუბი: ჩვენი მიზანი ფინეთსა და ევროპაში რუსეთთან მშვიდობიანი ურთიერთობაა, საბოლოო ჯამში, ყველაფერი რუსეთის ქმედებებზეა დამოკიდებული

ფინეთის პრეზიდენტის, ალექსანდრ სტუბის განცხადებით, ფინეთის ურთიერთობა რუსეთთან სამუდამოდ შეიცვალა, თუმცა, ასევე მუდმივია ისიც, რომ ორი სახელმწიფო ერთმანეთის მეზობელია.

სტუბის განცხადებით, ფინეთისა და ევროპის მიზანია რუსეთთან მშვიდობიანი ურთიერთობა.

“ჩვენი ურთიერთობა რუსეთთან სამუდამოდ შეიცვალა. ასევე მუდმივია ის, რომ რუსეთი ჩვენი მეზობელია. ჩვენი მიზანი ფინეთსა და ევროპაში რუსეთთან ფუნქციური და მშვიდობიანი ურთიერთობაა. საბოლოო ჯამში, ყველაფერი რუსეთის ქმედებებზეა დამოკიდებული,” – განაცხადა ფინეთის პრეზიდენტმა. ალექსანდრ სტუბმა ასევე აღნიშნა, რომ “საგარეო პოლიტიკა არასდროს არის შავ-თეთრი; ის სავსეა ნაცრისფერი ელფერებით. ფინეთის ინტერესებშია, რომ სამყარო ისეთი დაინახოს, როგორიც არის და არა ისეთი, როგორიც ჩვენ გვსურს, რომ იყოს.”