ბოლო წლებში ევროპული პოლიტიკური დისკურსის ერთ-ერთი მთავარი საფუძველი იყო წარმოდგენა, რომ სისტემა ფუნქციონირებს, ხოლო არსებული პრობლემები დროებითი გადახრებია. „პოლიტიკოს“ მიერ გავრცელებული კვლევა ამ წარმოდგენას პირდაპირ ეწინააღმდეგება და აჩვენებს, რომ ევროპული მოდელის მიმართ სკეპტიციზმი არა მითი, არამედ რეალობაა – წერს ექსპერტი დავით ჩხიელიძე სოციალურ ქსელში.
მისივე თქმით, ევროპაში ჩამოყალიბებულმა პოლიტიკურმა ელიტებმა თანდათან დაკარგეს უნარი, საკუთარი გადაწყვეტილებები დაუკავშირონ ეროვნული ინტერესების დაცვასა და ეკონომიკურ შედეგებს.
„ ბოლო წლებში ევროპული პოლიტიკური დისკურსის ერთ-ერთი მთავარი საფუძველი იყო წარმოდგენა, რომ სისტემა ფუნქციონირებს, ხოლო არსებული პრობლემები დროებითი გადახრებია. „პოლიტიკოს“ მიერ გავრცელებული კვლევა ამ წარმოდგენას პირდაპირ ეწინააღმდეგება და აჩვენებს, რომ ევროპული მოდელის მიმართ სკეპტიციზმი არა მითი, არამედ რეალობა არის! კვლევის შედეგები მიუთითებს, რომ მოქალაქეები პრობლემას არ ხედავენ მხოლოდ ეკონომიკაში ან საგარეო პოლიტიკაში. 76%-ის მიერ დემოკრატიის დაღმასვლის აღქმა ნიშნავს, რომ ეჭვქვეშ დგას თავად მმართველობის ლეგიტიმაცია. ასეთ პირობებში 63%-ის მოსაზრება, რომ განვითარების პიკი უკვე გადალახულია, ბუნებრივი შედეგია და არა განწყობის ცვალებადობა. ამ პროცესის ცენტრალური ფაქტორი არის, დასავლეთის მმართველი კლასის ფუნქციური კრიზისი. ევროპაში ჩამოყალიბებულმა პოლიტიკურმა ელიტებმა თანდათან დაკარგეს უნარი, საკუთარი გადაწყვეტილებები დაუკავშირონ ეროვნული ინტერესების დაცვასა და ეკონომიკურ შედეგებს. ევროკავშირის დონეზე მიღებულმა გადაწყვეტილებებმა ვერ შექმნა განვითარების ახალი იმპულსი. პირიქით, მათ გააძლიერეს ეკონომიკური რეგრესი, გაზარდეს სოციალური დაძაბულობა და შეამცირეს რწმენა, რომ ინტეგრაცია ავტომატურად კეთილდღეობას ნიშნავს.“ – წერს ჩიხელიძე.
