ყოჩაღ ბიჭებს, კიდევ კარგად რომ მოუთმინეს, სხვა ქვეყანაში ალბათ არ იცის ამან, მაგ საქციელზე რა შედეგები დგება. ეს პატიმრების სიით გამდიდრებული დედამისი კიდევ, დემოკრატიას გვიწუნებს აქეთ, – ასე ეხმიანება გიორგი გამსახურდია, ეკა ბესელიას შვილის, რატი მილორავას ადმინისტრაციული წესით დაკავებას, რომელიც არაფხიზელ მდგომარეობაში ავტომობილით გადაადგილდებოდა და პოლიციას წინააღმდეგობა გაუწია.
გამსახურდიას განცხადებით, ბესელიას შვილს საკუთარ საქციელზე პასუხისმგებლობა უნდა აეღო და “დედიკოსთან ვიშვიშით” არ უნდა წასულიყო.
“ეკა ბესელია, თავის შვილს რომ იცავს, მანდ უცნაური არაფერია. პირიქით რომ იყოს, ეგ იქნება გასაკვირი. ახლა რაც შეეხება ამ ლაწირაკს, ჩვენს კოლეგებს რომ ეუბნება დიდის ამბით, რატი ვარ მილორავაო. თუ რატი ხარ მილორავა, აი ადექი და შენს საქციელზე შენ თვითონ დადექი ატვეჩაი და მიიღე ის რაც კანონით გეკუთვნის, დედიკოსთან კი ნუ გარბიხარ მერე ვიშვიშით, ეს რა დამემართაო. ყოჩაღ ბიჭებს, კიდევ კარგად რომ მოუთმინეს, სხვა ქვეყანაში ალბათ არ იცის ამან, მაგ საქციელზე რა შედეგები დგება. ეს პატიმრების სიით გამდიდრებული დედამისი კიდევ, დემოკრატიას გვიწუნებს აქეთ.” – წერს გიორგი გამსახურდია სოციალურ ქსელში.
ცნობისთვის, ეკა ბესელიას შვილს, რატი მილორავას 2000 ლარი ჯარიმა და 5-დღიანი ადმინისტრაციული პატიმრობა შეეფარდა.
