ნანუკა, გთხოვ შეცდომაში ნუ შეგყავს ხალხი, ბავშვებით სავსე თვითმფრინავი ჩამოფრინდა და რაც მთავარია მშვიდობით,- ასე პასუხობს სალომე ღვინიაშვილი ნანუკა ჟორჟოლიანის მიერ გამოთქმულ კრიტიკას მისი მისამართით.
ნანუკა ჟორჟოლიანმა ფეისბუქზე გამოაქვეყნა პოსტი, რომელშიც გააკრიტიკა სალომე ღვინიაშვილის განცხადება – „ერთადერთი ქვეყანაა საქართველო, რომლის მოსახლეობაც ხელისუფლებამ გამოიყვანა აბუდაბიდან“.
ნანუკა ჟორჟოლიანის თქმით, „ამ გოგომ ეტყობა არ იცის, რომ აბუდაბიში ჩარჩენილ მოქალაქეებს აირზენაში პასუხობენ, სიას მთავრობა ადგენს და ჩვენ ვერ გადავწყვიტავთ ბორტზე ვინ მოხვდებაო. ქოცების სიის მიხედვით, ანუ ჩაწყობით ხვდება მანდ ხალხი. ბილეთის ყიდვაც კი რომ უნდოდეს სხვას, მაინც ვერ დაჯდება მაგ თვითმფრინავში“.
ჟურნალისტის პოსტს ფეისბუქმომხმარებელთა გამოხმაურება მოჰყვა, მათ შორის სალომე ღვინიაშვილის, რომელმაც დაწერა:
„საელჩო აწარმოებს აღრიცხვას და ვინც მოასწრო ამ რეისზე დარეგისტრირება, ყველა მოხვდა. ბორტი 180-კაციანია. დღეს და ხვალ კიდევ არის რეისები და ყველას გადმოყვანა მოხდება. პრიორიტეტი ბავშვებს მიენიჭათ და აქ მთავრობის სიები რა შუაშია? 
ნუ აყვებით ჭორებს“.
