„პოს ტვ“-ის წამყვანმა, ბაჩო ოდიშარიამ, გადაცემაში „თავისუფალი სივრცე ვახო ხუზმიაშვილთან ერთად“ დიდი ბრიტანეთის ხელისუფლების მიერ საქართველოში თავისუფალ მედიებზე თავდასხმის ფაქტი შეაფასა, როგორც მორიგი მოკლევადიანი სიხარული ოპოზიციისთვის და მათი მხარდამჭერებისთვის. ოდიშარიას განცხადებით, სოციალურ ქსელებში ხმაურის აწევის ფონზე ოპოზიცია ცდილობს, რომ რაღაც დაუმტკიცოს საკუთარ თავს, პატრონებს და ასევე მხარდამჭერებს.
„ეს ხომ მოკლევადიანი პროცესებია. მათ პატარა სიხარულები აქვთ, რომელიც ჩანასახშივე ჩვენთვის გასაგები არის, რომ იქნება ძალიან მოკლევადიანი, უბრალოდ ეს ადამიანები სიხარულიდან-სიხარულამდე, ურთიერთშეგულიანების, სოციალურ ქსელებში ხმაურის აწევის ფონზე ცდილობენ, რომ რაღაცები დაუმტკიცონ საკუთარ თავს, პატრონებს, ან ერთმანეთს, რომ „აი ნახეთ როგორი ერთობა გავაჩინეთ ჩვენ ამ საკითხზე და აი აქ სადღაც ჩვენ უკვე ვიმარჯვებთ“ უბრალოდ პრაქტიკული გამოცდილება, რომ მარცხის მეტი არაფერი არ გაქვს ამდენი წლის მანძილზე უნდა მიხვდე, რომ შენში არის ძალიან დიდი პრობლემა და არა შენს ირგვლივ არსებულ მოსახლეობაში, თუ ქვეყანაში“,- განაცხადა ბაჩო ოდიშარიამ.
