საქართველოს პარლამენტის იურიდიულ საკითხთა კომიტეტის თავმჯდომარე, არჩილ გორდულაძე ანა წითლიძის განცხადებას პასუხობს და აცხადებს, რომ მტკიცება, თითქოს ეუთო/ოდირმა 2024 წლის საპარლამენტო არჩევნები არათავისუფლად და არასამართლიანად შეაფასა, სიცრუეა.
მისი თქმით, ეუთო/ოდირს მსგავსი რამ არ უთქვამს. პირიქით, საერთაშორისო სადამკვირვებლო მისიამ დაასკვნა, რომ არჩევნები კარგად იყო ორგანიზებული, ყველას ჰქონდა საკუთარი არჩევანის დაფიქსირების შესაძლებლობა, ხოლო მისიის ხელმძღვანელმა ბრიფინგზე არჩეულ ხელისუფლებასთან თანამშრომლობის მზაობა გამოხატა.
“ტყუილია, რომ ეუთო/ოდირმა თავის დასკვნაში ჩაწერა, რომ საქართველოში ჩატარებული 2024 წლის საპარლამენტო არჩევნები თავისუფალი და სამართლიანი არ ყოფილა.
სინამდვილეში: ეუთო/ოდირს არ უთქვამს, რომ საქართველოში ჩატარებული არჩევნები თავისუფალი და სამართლიანი არ ყოფილაო. პირიქით, ეუთო/ოდირმა სრულად შეაფასა საქართველოში ჩატარებული არჩევნები და დაასკვნა, რომ არჩევნები კარგად ორგანიზებული იყო, ყველას ჰქონდა შესაძლებლობა საკუთარი არჩევანი დაეფიქსირებინა და მისიის ხელმძღვანელმა ბრიფინგზე გამოხატა მზაობა არჩეულ ხელისუფლებასთან თანამშრომლობის.”- განაცხადა არჩილ გორდულაძემ.
არჩილ გორდულაძე: ნაცმოძრაობამ ზვიად გამსახურდიას მიერ გაუქმებული ყოფილი სამხრეთ ოსეთის ავტონომიური ოლქის ტერიტორიაზე დროებითი ადმინისტრაციული ერთეული შექმნა, განსაზღვრა საზღვრები და ოკუპანტი უკანონო ბორდერიზაციას სწორედ ამ ე.წ. საზღვრის გასწვრივ ახორციელებს
წითლიძე სამაჩაბლოს ტერიტორიაზე დროებითი ადმინისტრაციულ-ტერიტორიული ერთეულის შექმნაზე საუბრობს და სიცრუის ტირაჟირებით აღნიშნავს, რომ ამ ტერიტორიული ერთეულის შექმნას არავითარი კავშირი არ აქვს ყოფილ სამხრეთ ოსეთის ავტონომიურ ოლქთან, – ამის შესახებ საპარლამენტო უმრავლესობის წევრმა, არჩილ გორდულაძემ, ბრიფინგზე განაცხადა.
იგი ანა წითლიძის მიერ საკონსტიტუციო სასამართლოს სხდომაზე გაკეთებულ განცხადებებს გამოეხმაურა და აღნიშნა, რომ ნაცმოძრაობამ განსაზღვრა საზღვრები და ოკუპანტი უკანონო ბორდერიზაციას სწორედ ამ ე.წ. საზღვრის გასწვრივ ახორციელებს.
“სინამდვილეში: საქართველოს კონსტიტუცია ასეთი ერთეულის შექმნის შესაძლებლობას საერთოდ არ ითვალისწინებდა. ნაცმოძრაობამ ზვიად გამსახურდიას მიერ გაუქმებული ყოფილი სამხრეთ ოსეთის ავტონომიური ოლქის ტერიტორიაზე დროებითი ადმინისტრაციული ერთეული შექმნა, განსაზღვრა საზღვრები და ოკუპანტი უკანონო ბორდერიზაციას სწორედ ამ ე.წ. საზღვრის გასწვრივ ახორციელებს” – განაცხადა გორდულაძემ.
