„ხალხის ძალის“ წევრი, თამთა მეგრელიშვილი, სოციალურ ქსელში წერს, რომ “საია” 2024 წელშივე ითხოვდა სტრასბურგში საპარლამენტო არჩევნების შედეგების გაუქმებას დროებითი ღონისძიების სახით, რაზეც სასტიკი უარი მიიღო და სასამართლომ ეს მოთხოვნა არც კი განიხილა. მისი თქმით, საია-მ ეს მარცხი დამალა და ქართველ ხალხს არ უთხრა, რომ სტრასბურგის სასამართლომ ეჭვიც კი არ შეიტანა 2024 წლის საპარლამენტო არჩევნების ლეგიტიმაციაში.
„ეს არის უდიდესი სკანდალი!! დღეს ირკვევა, რომ უცხოეთიდან დაფინანსებული “საია” 2024 წელშივე ითხოვდა სტრასბურგში საპარლამენტო არჩევნების შედეგების გაუქმებას დროებითი ღონისძიების სახით, რაზეც მიიღო სასტიკი უარი. არც კი განიხილა სასამართლომ ეს მოთხოვნა. საია – მ დამალა ეს უარი, ეს მარცხი დამალა და ქართველ ხალხს არ უთხრა, რომ სტრასბურგის სასამართლომ ეჭვიც კი არ შეიტანა 2024 წლის საპარლამენტო არჩევნების ლეგიტიმაციაში. ეს არის ქვეყნის წინააღმდეგ მიმართული საბოტაჟი – უნდა გაირკვეს ვინ იდგა ამ გადაწყვეტილების უკან, ვინ დამალა ეს ამბავი და როგორ მისცა პროცესებს რადიკალიზაციის საშუალება!!“ – წერს მეგრელიშვილი.
