„ხალხის ძალის“ საერთაშორისო ურთიერთობების მდივანი მსოფლიო ბანკის მიმოხილვას ეხმიანება, რომელშიც საქართველოს 2026 წლის ეკონომიკური პერსპექტივები დადებითად ფასდება.
როგორც ჟურნალისტებთან საუბრისას ეკა სეფაშვილმა განაცხადა, ეკონომიკური ზრდა ქვეყნის ბიუჯეტში დადებითად აისახება.
„ეკონომიკური ზრდა ნიშნავს კიდევ უფრო მეტად გაზრდილ ბიუჯეტს, რაც თავისთავად უზრუნველყოფს სოციალურ საჭიროებებსა და სოციალურ პროგრამებზე მეტი თანხების აკუმულირებას და ჩვენი მოქალაქეების უკეთეს სოციალურ უზრუნველყოფას. ბიუჯეტის ზრდა განაპირობებს საგანმანათლებლო, ტურისტული, სპორტული ინფრასტრუქტურის განვითარებას, საგზაო ინფრასტრუქტურის მოწყობას, მოსახლეობისათვის წყალმომარაგებისა და გაზმომარაგების გაუმჯობესებას,“ – განაცხადა ეკა სეფაშვილმა.
Facebook Comments Box
