ამერიკული დელეგაცია კუბას ქვეყნის ხელმძღვანელობის წარმომადგენლებთან მოსალაპარაკებლად ეწვია, რის შესახებაც ინფორმაციას Axios-ი და CBS News-ი საკუთარ წყაროებზე დაყრდნობით ავრცელებენ.
შეხვედრა 17 აპრილს შედგა და ის შეფასდა, როგორც „დიპლომატიური გარღვევა“. ეს არის აშშ-ის მთავრობის წარმომადგენლების პირველი ვიზიტი კუბაში მას შემდეგ, რაც 2016 წელს კუნძულს პრეზიდენტი ბარაკ ობამა ეწვია.
მოლაპარაკებებში აშშ-ის მხრიდან მონაწილეობდნენ სახელმწიფო დეპარტამენტის მაღალჩინოსნები, რომელთა ვინაობაც არ სახელდება. კუბის მხრიდან ერთ-ერთი მთავარი მონაწილე იყო რაულ გილერმო როდრიგეს კასტრო — ყოფილი პრეზიდენტის, რაულ კასტროს შვილიშვილი და პირადი მცველი.
Axios-ის მტკიცებით, რაულ კასტრო კვლავ რჩება ქვეყნის ფაქტობრივ მმართველად. გამოცემის მონაცემებით, ამერიკელმა ჩინოვნიკებმა კუბას მოუწოდეს, გაატაროს ეკონომიკური და სახელმწიფო სისტემის რეფორმები აშშ-ის მხარდაჭერით და გააფრთხილეს, რომ არსებობს შესაძლებლობების მხოლოდ მცირე ფანჯარა, სანამ სიტუაცია შეუქცევადად გაუარესდება.
