აშშ-ში მოკლული უკრაინელი ლტოლვილის, 23 წლის ირინა ზარუცკას ოჯახმა ქალაქ შარლოტის ხელისუფლებას სასამართლოში უჩივლა.ახლობლები ადგილობრივ მთავრობას გულგრილობასა და სხვა დარღვევებში ადანაშაულებენ, რამაც ტრაგედია გამოიწვია — ახალგაზრდა ქალი საზოგადოებრივ ტრანსპორტში მოკლეს.
სასამართლო დოკუმენტების თანახმად, თავდამსხმელი უსახლკარო დეკარლოს ბრაუნი, რომელმაც ირინას დანით ჭრილობები მიაყენა, ვაგონით უბილეთოდ მგზავრობდა. გარდა ამისა, CATS-ის სატრანსპორტო ქსელში უსაფრთხოებაზე პასუხისმგებელ კონტრაქტორ კომპანიას, განაცხადში მითითებული 39 შეიარაღებული დაცვის თანამშრომლის სანაცვლოდ, შტატში მხოლოდ 11 ჰყავდა. დაცვის კომპანია სარჩელში მეორე მოპასუხედ არის მითითებული.
„მოპასუხეებმა იცოდნენ, რომ „ლურჯ ხაზზე“ და მის მიმდებარე ტერიტორიაზე ძალადობრივი დანაშაულები რეგულარულად ხდებოდა, თუმცა უსაფრთხოების უზრუნველსაყოფად არანაირი ადეკვატური ზომა არ მიუღიათ“, — აღნიშნულია სარჩელში.
მოსარჩელეთა თქმით, ქალაქისა და მისი კონტრაქტორის მხრიდან გამოჩენილმა გულგრილობამ პირდაპირ გამოიწვია ირინა ზარუცკას გაუმართლებელი სიკვდილი. ოჯახის წევრები სამედიცინო და დაკრძალვის ხარჯების დაფარვასა და მორალური ზიანის ანაზღაურებას ითხოვენ. რაც შეეხება თავად ბრაუნს, რომელსაც უშუალოდ მკვლელობაში ედება ბრალი, იგი შეურაცხადად ცნეს.
