ყველა სიახლე
4673 მასალა
13 აგვისტო
“სუხიშვილებზე”
დავით ქართველიშვილი:ვაზიანის ახალი საერთაშორისო აეროპორტის ამბიციური პროექტის განხორციელება პრაქტიკულ ფაზაში გადადის – ეს არის ჩვენი უსამშობლო მავნებლებისთვის მორიგი გამანადგურებელი ინფორმაცია
პარტია ,,ხალხის ძალის” წევრი დავით ქართველიშვილი სოციალურ ქსელში, ვაზიანის ახალი საერთაშორისო აეროპორტის პროექტის გარშემო, ოპოზიციის მხრიდან გამოთქმულ კრიტიკულ განცხადებებს ეხმიანება და აღნიშნავს, რომ რადიკალური ოპოზიციისთვის ეს არის მორიგი გამანადგურებელი ინფორმაცია. როგორც ექსპერტი წერს, მსგავსი პროექტები საქართველოს შესაძლებლობას აძლევს გაზარდოს თავისი სატრანზიტო, ეკონომიკური და პოლიტიკური პოტენციალი. ,,საქართველო მორიგ დამაჯერებელ ნაბიჯს დგამს სამხრეთ კავკასიის მთავარი ავიაციისა და ლოჯისტიკური ცენტრის სტატუსისკენ – ამჯერად ევროპასთან და აზიასთან ერთობლივად: ვაზიანის ახალი საერთაშორისო აეროპორტის ამბიციური პროექტის განხორციელება პრაქტიკულ ფაზაში გადადის. ბერლინის საინჟინრო ჯგუფ AMD Sigma-ს ექსპერტებმა, აზიის განვითარების ბანკის მხარდაჭერით, ოფიციალურად დაიწყეს მისი კონცეფციის შემუშავება. პროექტი ითვალისწინებს ულტრათანამედროვე აეროპორტის კომპლექსის შექმნას, რომელსაც პერსპექტივაში წელიწადში 20 მილიონამდე მგზავრის მომსახურება შეეძლება. წამყვანი გერმანელი სპეციალისტების ჩართულობა გარანტირებულია ეკოლოგიურობის, ენერგოეფექტურობისა და მგზავრთა კომფორტის უმაღლესი ევროპული სტანდარტების დანერგვას, რაც მყარ საფუძველს უყრის ქვეყნის გრძელვადიან ეკონომიკურ განვითარებას. დიახ, არსებობს “ორი ევროპა” და ერთ-ერთი მათგანი – პრაგმატული, მაღალკვალიფიციური და მიმზიდველი ჩვენთვის – კვლავ საქართველოშია. ისევე, როგორც ანაკლიაში – ბელგიელი სპეციალისტების, ამჟამად ვაზიანში – გერმანელების სახით. მომავლის მასშტაბური პროექტირების პარალელურად, მოქმედი ინფრასტრუქტურა უკვე ავლენს შთამბეჭდავ შედეგებს. სანამ ვაზიანის პროექტი თავის ჩანასახშია, თბილისის მოქმედმა საერთაშორისო აეროპორტმა დღე-ღამის განმავლობაში მომსახურებული რეისებისა და მგზავრების რაოდენობით მორიგი ისტორიული მაქსიმუმი დააფიქსირა. ეს რეკორდი ასახავს არა უბრალოდ სეზონურ ნახტომს, არამედ სტაბილურ ტენდენციას: საქართველო სწრაფად იმყარებს პოზიციებს, როგორც პოპულარული საერთაშორისო მიმართულება და მოსახერხებელი სატრანზიტო დერეფანი ევროპასა და აზიას შორის. ამ მოვლენების სინქრონულობა მიუთითებს ბაზრის მაღალ მზაობაზე გაფართოებისთვის და ადასტურებს, რომ ვაზიანის ინფრასტრუქტურაში ინვესტიციები პასუხობს რეალურ ეკონომიკურ მოთხოვნას. თბილისის მიმდინარე რეკორდსა და ვაზიანში პროექტირების დაწყებას შორის ურთიერთკავშირი ქმნის სინერგიულ ეფექტს მთელი ეროვნული ეკონომიკისთვის. მგზავრთნაკადის ზრდა ასტიმულირებს მომიჯნავე დარგებს – სასტუმრო ბიზნესიდან და მომსახურების სფეროდან მცირე მეწარმეობამდე და რეგიონულ ტრანსპორტამდე. ახალი მეგა-ჰაბის მშენებლობა არა მხოლოდ გადაჭრის მოქმედ ტერმინალებზე მზარდი დატვირთვის პრობლემას, არამედ შექმნის ათასობით ახალ მაღალტექნოლოგიურ სამუშაო ადგილს. მსგავსი დინამიკა თვალსაჩინოდ აჩვენებს, თუ როგორ აქცევს გონივრული სტრატეგიული დაგეგმვა და საერთაშორისო პარტნიორების მოზიდვა საქართველოს გეოგრაფიულ პოტენციალს ეკონომიკური კეთილდღეობის რეალურ დრაივერად. ეს არის ჩვენი უსამშობლო მავნებლებისთვის მორიგი გამანადგურებელი ინფორმაცია, რომელთა მწუხარებას ტრადიციისამებრ – მე ვერ გავიზიარებ,” – წერს დავით ქართველიშვილი.
რეკლამა
განათავსეთ თქვენი რეკლამა
12 აგვისტო
ნიუ-იორკის პოლიციამ მერის მეუღლის დაცვაზე უარი განაცხადა
ნიუ-იორკის მერის, ზოჰრან მამდანის მეუღლის, რამა დუვაჯის სექტემბერში დაგეგმილმა კერძო ვიზიტმა სირიასა და ლიბანში წინასწარ გამოიწვია სკანდალი. მერიაში განაცხადეს, რომ 29 წლის მხატვარი ნათესავებთან მიფრინავს, ხოლო მას თან ახლავს პირველი ლედის დაცვა „ნიუ-იორკის პოლიციის დაჟინებული რეკომენდაციით“.
11 აგვისტო
სასამართლოს სისტემის დამოუკიდებლობით საქართველო პოსტსაბჭოთა სივრცის საუკეთესო ოთხეულშია, ისტორიული (13 წლიანი) პროგრესით კი ევროპის სახელმწიფოთა ხუთეულში
მსოფლიო ბანკი ფრიდომ ჰაუსის გლობალური გამოკითხვის შედეგებს აქვეყნებს, რომელიც 2013-2026 წლებში სასამართლოს დამოუკიდებლობის შეფასებას ეხება და მსოფლიოს 196 ქვეყანას და ტერიტორიას ერთიანებს.
ცისტური ფიბროზის მქონე პაციენტების მკურნალობის პროგრამაზე
ბერლინში შიშველ ველოსიპედისტთა მსვლელობა გაიმართა – პოლიციის თქმით, დედაქალაქის ხალხმრავალ ადგილებში შიშველი ხალხის გადაადგილების მიუხედავად, შეკრების თავისუფლების ფარგლებში, მსვლელობის ჩატარება მაინც შეიძლებოდა
კვირას ბერლინში პირველად გაიმართა „ველოსიპედით შიშველი მსვლელობის მსოფლიო დღე“. მონაწილეების განცხადებით, ისინი თავისუფლების, ტოლერანტობისა და მრავალფეროვნების მხარდასაჭერად გამოდიან, ამიტომაც ქალაქის ქუჩებში ტანსაცმლის გარეშე გადაადგილდებიან.
სააკაშვილი მკაცრად გავაფრთხილეთ, არ აჰყოლოდა რუსულ პროვოკაციებს“ – ცოტნე ანანიძე აგვისტოს ომზე კონდოლიზა რაისის, მეთიუ ბრაიზასა და ჯონ მაკ-კეინის განცხადებებს იხსენებს: ესეც ირაკლი კობახიძის ნარატივი იყო?!
აჭარის ავტონომიური რესპუბლიკის უმაღლესი საბჭოს თავმჯდომარე, ცოტნე ანანიძე სოციალურ ქსელში 2008 წლის აგვისტოს ომის დროს, დასავლელი პარტნიორების მაშინდელ პოზიციას იხსენებს. კერძოდ, ანანიძე იშველიებს კონდოლიზა რაისის, მეთიუ ბრაიზასა და ჯონ მაკკეინის განცხადებებს, რომლებიც აფრთხილებდნენ სააკაშვილს, არ აჰყოლოდა რუსეთის პროვოკაციებს.
