313 მასალა
რუსეთის ტრანსპორტის სამინისტრომ 8 მაისს საკუთარ Telegram-არხზე გაავრცელა ინფორმაცია, რომ ქვეყნის სამხრეთში 13-მა აეროპორტმა მუშაობა შეაჩერა. შეზღუდვების მიზეზი გახდა უკრაინული უპილოტო საფრენი აპარატების შეტევა დონის როსტოვში მდებარე „რუსეთის სამხრეთის აერონავიგაციის“ ფილიალის შენობაზე.
გერმანელმა ტურისტმა სასამართლოში უჩივლა ტუროპერატორს იმის გამო, რომ საბერძნეთში დასვენებისას მზის აბაზანების მიღებას ვერ ახერხებდა — შეზლონგები მუდმივად დაკავებული იყო სხვა დამსვენებლების მიერ, რომლებიც ადგილებს პირსახოცებით „ნიშნავდნენ“. სასამართლომ მას კომპენსაციის სახით 1000 ევრო მიაკუთვნა. ინფორმაციას „ბიბისი“ ავრცელებს.
როგორც სააგენტო „როიტერი“ (Reuters) იუწყება, ხუთშაბათს ვირჯინიის ჯანდაცვის დეპარტამენტმა განაცხადა, რომ მეთვალყურეობის ქვეშ აიყვანა შტატის მცხოვრები, რომელიც ახლახანს დაბრუნდა საკრუიზო გემიდან, სადაც „ჰანტავირუსის“ სასიკვდილო აფეთქება დაფიქსირდა.
ზვიგენებმა მასობრივად დაიწყეს კალიფორნიის პლაჟებთან მოახლოება, რაც ადამიანებისთვის სერიოზულ საფრთხეს წარმოადგენს — განაცხადა საზღვაო ბიოლოგიის პროფესორმა, კრის ლოუმ Fox Weather-თან ინტერვიუში. პრობლემა ასევე ეხება ისეთ სანაპირო შტატებს, როგორიცაა ფლორიდა, ჰავაი, სამხრეთ კაროლინა და ნიუ-ჯერსი.
მოსკოვის მერმა, სერგეი სობიანინმა განაცხადა, რომ 7 მაისს დედაქალაქის მისადგომებთან 61 უპილოტო საფრენი აპარატის (დრონის) შეტევა მოიგერიეს. ეს გახდა უკრაინის შეიარაღებული ძალების ყველაზე მასშტაბური თავდასხმა მოსკოვზე 2026 წლის დასაწყისიდან.
„ჩემს საქმეს ერთი თვის განმავლობაში იძიებდნენ — ვერაფერი იპოვეს!!! საბოლოოდ, 15 წლის წინანდელი ბრალდებები გამოჩნდა. რა სიამოვნებაა, გქონდეს შესაძლებლობა, თავად აირჩიო დამშვიდობების დრო. რა გინდათ ჩემგან? რომ ავტირდე?! ეს ამად არ ღირს“, — ნათქვამია წერილში, რომელიც ეპშტეინის ყოფილმა თანამესაკნემ, ნიკოლას ტარტალიონემ იპოვა — ყოფილმა პოლიციელმა, რომელსაც მკვლელობისთვის ოთხი უვადო პატიმრობა აქვს მისჯილი.
განათავსეთ თქვენი რეკლამა
FedEx-ის მძღოლს, რომელმაც პატარა ათენა სტრენდი გაიტაცა და მოკლა, ჩადენილი საშინელი დანაშაულისთვის სიკვდილით დასჯა მიესაჯა.
აშშ-ის საიდუმლო სამსახურის 33 წლის ოფიცერი, ჯონ სპილმანი, სასტუმრო DoubleTree by Hilton Miami Airport and Convention Center-ის დერეფანში, სხვისი ნომრის კართან საჯარო მასტურბაციისთვის დააკავეს.
პროცესი, რომელსაც პრეზიდენტმა პროექტი „თავისუფლება“ უწოდა, ორშაბათს, 4 მაისს დაიწყება. ამის შესახებ დონალდ ტრამპმა Truth Social-ზე განაცხადა. მისი თქმით, აშშ სრუტეში იმ ქვეყნების გემებს გაატარებს, რომლებიც ახლო აღმოსავლეთის კონფლიქტში არ მონაწილეობენ და „უდანაშაულო დამკვირვებლებად“ იქცნენ.
ნიუ-იორკელი მილიარდერები უკმაყოფილონი არიან ზოჰრან მამდანის მიერ ინიციირებული ზემდიდართა გადასახადის გამო. მამდანის მცდელობამ, დააწესოს გადასახადი მეორე საცხოვრებელ ქონებაზე, რომლის ღირებულებაც 5 მილიონ დოლარს აღემატება, ქალაქის უმდიდრესი მცხოვრებლების განრისხება გამოიწვია.
Politico-ს ინფორმაციით, უკრაინის პრეზიდენტი ვოლოდიმირ ზელენსკი სულ უფრო მეტად დისტანცირდება ამერიკის შეერთებულ შტატებზე ფოკუსირებისგან. ამის მიზეზი ისაა, რომ ირანთან პოტენციურმა ომმა კიევისა და მოსკოვის კონფლიქტი ვაშინგტონისთვის მეორე პლანზე გადაიტანა.
ევროკავშირში საწვავის მარაგების ზუსტი რაოდენობა უცნობია. ამის შესახებ „პოლიტიკო“ ევროკავშირის წევრი ქვეყნების ენერგეტიკის სამინისტროების წყაროებზე დაყრდნობით იტყობინება. პრობლემა ირანში მიმდინარე ომის ფონზე წარმოიშვა, რაც მკვეთრად ზრდის ევროპის ხარჯებს წიაღისეულ საწვავზე და საფრთხეს უქმნის მიწოდებას ჰორმუზის სრუტის მეშვეობით — ეს ნავთობისა და გაზის გადაზიდვისთვის საკვანძო სატრანსპორტო დერეფანია.
თურქეთის საგარეო საქმეთა მინისტრმა ჰაკან ფიდანმა ევროკავშირთან ურთიერთობების შესახებ საუბრისას განაცხადა, რომ ევროკავშირში არ არსებობს პოლიტიკური ნება, თურქეთი მათ წევრად მიიღონ.
კიევმა საერთაშორისო სავალუტო ფონდიდან დაფინანსების შესანარჩუნებლად საზღვარგარეთიდან ამანათებზე გადასახადი უნდა გაზარდოს. ინფორმაციას Reuters-ი ავრცელებს.
საფრანგეთის პირველმა ლედიმ, ბრიჟიტ მაკრონმა, გამოცემა La Tribune Dimanche-სთან ინტერვიუში აღიარა, რომ ელისეის სასახლეში ცხოვრება მასზე ზოგჯერ დამთრგუნველად მოქმედებს.
სააგენტო Reuters-ის დაკვეთით, კომპანია Ipsos-ის მიერ ჩატარებული გამოკითხვის მიხედვით, ამერიკელების უმეტესობა აშშ-ის პრეზიდენტს, დონალდ ტრამპს ბენზინზე ფასის მკვეთრ ზრდაში ადანაშაულებს, რაც ნოემბერში კონგრესში გასამართი შუალედური არჩევნების წინ „რესპუბლიკურ“ პარტიაზე დიდ წნეხს ახდენს.
ისრაელის 76 წლის პრემიერ-მინისტრმა პროსტატის ჯირკვალში ავთვისებიანი სიმსივნის აღმოჩენის შემდეგ წარმატებული მკურნალობის შესახებ განაცხადა.
აშშ-ის იუსტიციის სამინისტრომ ფედერალურ დონეზე სიკვდილით დასჯის აღსრულების მორატორიუმი გააუქმა და განაჩენის სისრულეში მოყვანის ერთ-ერთ მეთოდად დახვრეტა დაამტკიცა.
ისრაელის თავდაცვითი ძალები ადასტურებს იმ ფოტოს ავთენტურობას, რომელზეც სამხრეთ ლიბანში მყოფი ჯარისკაცი იესოს ქანდაკებას უროთი ამსხვრევს. ინფორმაციას ამის შესახებ ისრაელური მედია ავრცელებს. სამხედრო უწყების განცხადებით, მათ მიმართ, ვინც ამ ინციდენტში მონაწილეობდა, შესაბამისი ზომები გატარდება. ფოტოს პირველადი შემოწმების შემდეგ, სამხედროებმა განაცხადეს, რომ „დადგინდა, რომ ფოტოზე აღბეჭდილია სამხრეთ ლიბანში მოქმედი „ცაჰალის“ ჯარისკაცი“.
ბულგარეთში ვადამდელი საპარლამენტო არჩევნები მიმდინარეობს, რომელიც ბოლო ხუთ წელიწადში უკვე მერვედ იმართება.
ამერიკული დელეგაცია კუბას ქვეყნის ხელმძღვანელობის წარმომადგენლებთან მოსალაპარაკებლად ეწვია, რის შესახებაც ინფორმაციას Axios-ი და CBS News-ი საკუთარ წყაროებზე დაყრდნობით ავრცელებენ.
